Receta

Bamje me domate në furrë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 11 Shtator, 11:38 | Përditesimi: 11 Shtator, 11:44

Bamje me domate në furrë

Përbërësit:

1 kg bamje
3-4 lgj uthull
1 qepë
1 lgj salcë domate
2 domate
3 gota ujë
1 tufë majdanoz
Kripë, piper i freskët

Përgatitja:

LEXO EDHE:
Pulë e mbushur nga zonja Albana

Bamjet pasi i pastrojmë mirë përreth bishtit i vendosim në ujë të bollshëm me katër lugë uthull. Më pas në një tigan me yndyrë kaurdisim bamjet për pak minuta. I largojmë nga tigani dhe në po atë yndyrë kaurdisim qepët. Ndihmojmë zbutjen me pak kripë dhe 2 lugë ujë. Pasi qepa është bërë transparente shtojmë salcën e domates të koncentruar dhe domatet e kaluara në rende. Rregullojmë shijen me kripë e piper, shtojmë bamjet dhe gjysmën e majdanozit. Në fund vendosim disa domate qershi, shtojmë ujë të ngrohtë dhe e vendosim tavën në furrë të parangrohur në temperaturën 200 gradë Celsius derisa bamjet të ngelen me lëngun e tyre.