POP 5

Lajmet më të lexuara të 5 minutave të fundit

Ekonomi

Banesat sociale, qira 4 deri në 10
mijë lekë në muaj për të pastrehët

Familjet e pastreha por që edhe nuk kanë mundësi të blejnë një banesë tani mund të gjejnë strehë tek banesat sociale të cilat janë marrë në dorëzim gjatë ditës së djeshme nga Bashkia e Tiranës.
Banesat sociale, qira 4 deri në 10<br />mijë lekë në muaj për të pastrehët
TIRANE- Familjet e pastreha por që edhe nuk kanë mundësi të blejnë një banesë tani mund të gjejnë strehë tek banesat sociale të cilat janë marrë në dorëzim gjatë ditës së djeshme nga Bashkia e Tiranës. Apartamentet në varësi edhe të sipërfaqes do t’i jepet me qira familjeve të kryeqytetit. Qiraja mund të shkoje nga 4 mijë deri në 10 mijë lek në muaj, në varësi të sipërfaqes dhe kjo do të miratohet me vendim të Këshillit Bashkiak.

Ndërkohë apartamentet e ndërtuara u përkasin sipërfaqeve të ndryshme duke filluar nga garsonierë 1+1; 2+1 dhe 3+1. Në një banesë të tillë familja në nevojë mund të qëndrojë për vite me radhë derisa ajo të rimëkëmbet ekonomikisht. E ndërsa bashkia ka marrë në dorëzim këto banesa gjendja e tyre sot është pjesërisht e amortizuar për vetë faktin se prej tre vjetësh ato qëndrojnë të mbyllura dhe askush nuk është kujdesur për mirëmbajtjen e tyre. Në pjesën më të madhe të mureve ka lagështirë, ndërkohë që një pjesë e xhamave janë thyer.

Por, pavarësisht këtyre problemeve që kanë sot janë mbi 1 mijë familje të cilat kanë aplikuar për tu strehuar në këto apartamente. Në total janë 385 apartamente që ndodhen në zonën e Shkozës, që tashmë janë gati për t’u shpërndarë. “Sot, janë rreth 1132 dosje të depozituara nga familjet në nevojë, për të kaluar procedurat për të përfituar banesat sociale me qira. Janë vetëm 385 dhe e gjitha do të hyjë në një dinamikë të rishqyrtimit të dosjeve, procedurave dhe kalimit të tyre në Këshillin Bashkiak, për miratim” deklaroi nënkryetarja e Bashkisë Nevila Xhindi.

Sipas saj, tejzgjatja në kohë për të marrë në dorëzim këto ndërtesa ka ndodhur për një sërë faktorësh, duke nisur nga linjat e tensionit e deri te faturat e papaguara nga paraardhësit e bashkisë. “Pallati i fundit që ka mbaruar ka qenë një procedurë e gjatë, pasi Bashkisë së Tiranës i është dashur të zhvendosë linjën e tensionit të lartë 110 kilovolt dhe njëkohësisht kabinën elektrike të tensionit të lartë dhe një linjë tjetër në krah që ka qenë 20 kilovolt” ka theksuar Xhindi.
Banesat sociale në Tiranë kanë përfunduar së ndërtuari para tre vitesh, por gjatë gjithë kësaj kohe ato kanë mbetur të pashfrytëzuara si pasojë e  konflikteve dhe debateve të shumta që ato kanë hapur në Këshillin Bashkiak.


Shkrimi u publikua sot (08.02.2014) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Hyn në fuqi vendimi! Bonusi i fundvitit tërhiqet nga java e dytë e dhjetorit deri në fund të 2025-ës

Hyn në fuqi vendimi! Bonusi i fundvitit tërhiqet nga java e dytë e dhjetorit deri në fund të 2025-ës

29 Nëntor, 15:28 nga Eliza Gjediku