TIRANE- Gati një muaj para se të zbulohej vjedhja prej 713 milionë lekësh në degën e Emisionit në Bankën e Shqipërisë, Këshilli Mbikqyrës kishte miratuar 22.6 milionë lekë për auditimin e jashtëm të pasqyrave financiare nga viti 2014 deri në vitin 2018. Vendimi gjendet në Buletinin Zyrtar të muajit qershor 2014 me numrin 36 dhe mban datën 25 qershor 2014.

Edhe pse është miratuar fondi i mësipërm nuk u bërë i mundur që të parandalohet vjedhja, vetëm kur ajo u zbulua në fund të muajit korrik, kur Ardian Bitraj me dëshminë e tij, tregoi se kishte marrë për 4 vite shuma të mëdha lekësh. Vendimi për përgjedhjen e audituesit të jashtëm është bërë me prokurorim dhe procedurë të veçantë dhe kërkesën për këtë gjë duket se, e ka bërë Enti Prokurues dhe Departamenti i Pagesave.