POP 5

Lajmet më të lexuara të 5 minutave të fundit

Ekonomi

Banka Botërore optimiste për ekonominë e Shqipërisë: Rritet me 3.6%! Rrezik rënia e popullsisë dhe fuqisë punëtore

Banka Botërore pret që ekonomia e vendit të rritet me 3.6% këtë vit, e ndikuar nga bumi turistik dhe sektori i ndërtimit. Në raportin e fundit banka vlerëson qëndrueshmërinë e ekonomisë përballë krizave të vazhdueshme, por thekson se problem mbetet rënia e popullsisë dhe mungesa e fuqisë punëtore

Banka Botërore ka rishikuar pritshmëritë për rritjen ekonomike të vendit për këtë vit, nga 2.8% që ishte në 3.6%, duke iu afruar parashikimit të qeverisë për një rritje ekonomike në masën 3.7%.

Ky vlerësim i rritur sipas Bankës Botërore lidhet me faktin se ekonomia e vendit ka shfaqur qëndrueshmëri kundrejt goditjeve të njëpasnjëshme gjatë periudhës 2019-2022, duke nisur me tërmetin, pandeminë dhe pushtimin e Ukrainës nga Rusia.

Në raport thuhet se normat e varfërisë vijuan trendin rënës edhe përgjatë vitit 2022, ndërsa faktorët kyç që kanë kontribuar në rritjen ekonomike janë ndërtimi dhe turizmi.

Rritja ekonomike sipas analizës së bankës në 6 mujorin e dytë të vitit do të përshpejtohet nga numri rekord i vizitorëve të huaj si edhe përshpejtimi i aktivitetit të ndërtimit. Ndërsa evitohet si shqetësim rënia e eksporteve për shkak të kërkesës së ulët në tregjet e huaja.

Sfidat kryesore të ekonomisë së Shqipërisë kanë të bëjnë me popullsinë.

“Sfidat kryesore të zhvillimit të Shqipërisë janë rënia e popullsisë së saj, e cila i detyrohet pjesërisht emigrimit të madh”, thuhet në raportin e Bankës Botërore.

Po ashtu në raport theksohet se problem mbetet cilësia e fuqisë punëtore si dhe presionet fiskale për shkak të krizave të shumta. Energjia elektrike përsëri evidentohet si rrezik për ekonominë për shkak të varësisë nga reshjet e shiut, si kërkohet kujdes me monitorimin e koncesioneve.

Banka Botërore pret që borxhi të zbresë në nivelin 63.1% e PPB-së në vitin 2023 dhe deri në 2025 të jetë ulur në 60%.

S.G/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi/ PS dhe PD ndajnë nga 4 mandate deputetësh në Shkodër

Sondazhi/ PS dhe PD ndajnë nga 4 mandate deputetësh në Shkodër

25 Dhjetor, 21:24