Banka Botërore: Tërmeti dhe pandemia godasin rëndë ekonominë shqiptare, minus 1.4% në 2020

Në raportin e pranverës, të publikuar sot nga Banka Botërore lidhur me vendet e Europës dhe Azisë Qendrore, vlerësohet se për herë të parë në shumë vite, Shqipëria do të ketë rrudhje të Prodhimit të Brendshëm Bruto në masën 1.4 për qind.  Banka Botërore është institucioni i parë financiar ndërkombëtar që bën një parashikim të pasojave ekonomike të pandemisë në këtë zonë të botës.

Sipas Bankës Botërore, goditjen e parë ekonomia shqiptare e ka marrë që në nëntor të vitit të kaluar, kur llogaritet që të jetë sa 7.5 për qind e Prodhimit të Brendshëm Bruto dëmi i shkaktua në pasuri fizike dhe humbje ekonomike

Ndërkohë, parashikohet që të ketë rreth 1.4% humbje në Prodhimin e Brendshëm vetëm si pasojë e koronavirusit, pezullimit të lëvizjes, ndërprerjes së aktivitetit ekonomik normal të ndërmarrjeve, etj.

Sipas Bankës, rindërtimi i objekteve të dëmtuara nga tërmeti që fillon këto ditë si dhe rimëkëmbja e prodhimit të energjisë elektrike do ta plotësojnë vetëm pjesërisht hendekun që krijon pandemia. Turizmi dhe transporti do të pësojnë një shok të vërtetë, thuhet në raport.

Zgjatja e situatës në Evropë do të ndikojë negativisht si në tregtinë e jashtme, ashtu edhe në hyrjen e investimeve të huaja direkte në Shqipëri apo prurjeve valutore nga emigracioni

Por që nga tremujori i katërt dhe në vazhdim  mendohet të ketë një kthesë pozitive në ekonominë shqiptare, në rast se pandemia arrihet të kontrollohet deri në fund të tremujorit të dytë. Banka Botërore vlerëson se situata e krijuar do të rritë borxhin publik mbi 70% të PBB, si dhe varfërinë në vend, por tendenca do të kthehet mbrapsht duke filluar nga viti i ardhshëm. Në tremujorin e fundit pritet që rindërtimi por edhe rimëkëmbja e turizmit mund t`i japin një shtysë të fortë aktivitetit ekonomik të vendit. Në raport shtohet thuhet se likuiditeti i konsiderueshëm në sektorin bankar vendas largon frikën e rrezikut  për financime.

Vlerësimi i Bankës është që në vitin 2021 ekonomia shqiptare t’u kthehet shifrave pozitive, duke kaluar mjaft rezultatet e viteve të fundit, me një nivel 6.6 për qind.

( Kliko këtu ) Raporti i plotë

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ministri Mete në Këshillin Ekonomik Kombëtar: Javën e ardhshme miratojmë detajet e Garancisë për sektorin fason

Ministri Mete në Këshillin Ekonomik Kombëtar: Javën e ardhshme miratojmë detajet e Garancisë për sektorin fason