POP 5

Lajmet më të lexuara të 5 minutave të fundit

Sociale

Bankers Petroleum nis trajtimin e mbetjeve hidrokarbure! Hong Ping Xiao: Këtë vit investuam mbi 3 mln dollarë! Antea Cement: Djegia në furrat e çimentos, metodë e sigurt

“Antea Cement” është kompania me të cilën po bashkëpunon “Bankers Petroleum Albania” për të realizuar djegien e mbetjeve hidrokarbure. Drejtori i Operacioneve në Bankers thotë se këtë vit kompania që ai drejton ka investuar mbi 3 milionë USD dhe se investimet do të rriten edhe më tej. Ndërsa drejteri i Antea Cement u shpreh se metoda që ata përdorin për djegien e hifrokarbureve, është më e sigurta.

Bankers Petroleum Albania, kompania më e madhe e prodhimit të naftës në vend, ka nisur trajtimin e mbetjeve hidrokabure si pjesë e planit të saj ambicioz për mjedisin.

Hong Ping Xiao, Drejtor i Operacioneve i Bankers thotë se ndër vite kompania ka investuar më shumë se 20 milionë dollarë vetëm në rehabilitimin mjedisor të Patos-Marinzës, por sot sfida më e rëndësishme është trajtimi përfundimtar i mbetjeve të naftës dhe eliminimi i gropave ekologjike.

"Ne jemi shumë krenarë që kemi nisur trajtimin e mbetjeve hidrokabure me ANTEA-n. Ne kemi investuar më shumë se 3 Milionë dollarë këtë vit, por në vitet e ardhshme ne do të investojmë më shumë në këtë projekt", tha Hong Ping Xiao, Drejtor i Operacioneve, Bankers.

Kompania po bashkëpunon tashmë me një nga prodhuesit më të mëdhenj të çimentos në vend, “Antea Cement” për trajtimin e mbetjeve hidrokabureve. Çdo ditë, kamionët e mbyllur hermetikisht dhe të certifikuar, transportojnë mbetjet në fabrikën e Antea-s. Djegia e mbetjeve të rrezikshme në furrat e çimentos, konsiderohet një metodë e sigurt dhe më e mira e disponueshme. I gjithë ky proces siguron që të mos ketë ndotje dytësore dhe kjo ishte arsyeja kryesore e cila çoi në nisjen e bashkëpunimit të Bankers me “Antea Cement”.

“Investimi që ka kryer fabrika jonë në vitin 2019 siguron që ky cikël të jetë totalisht i mbyllur dhe përvec kësaj, kemi një sistem online monitorimi, i cili në kohë reale kontrollon të gjithë parametrat mjedisorë që mund të ndikojnë nga procesi i çimentos”, tha Sajmir Harizaj, Drejtor i Fabrikës “Antea Cement”.

“Një nga departamentet më kryesore të Bankers është i mjedisit për shkak se ne kujdesemi që operacionet e nxjerrjes së naftës të kenë impakt minimal në mjedis duke monitoruar në mënyrë periodike ajrin dhe tokën”, tha Leonard Bejko, Menaxher i Mjedisit, Bankers.

Por kompania nuk do ndalet me kaq. Gjatë ketij viti, Bankers planifikon të ndërtojë në fushën e Patos-Marinzës njësinë trajtuese të mbetjeve të naftës, çka përbën dhe risi për industrinë e naftës në vend. Vetëm në projektin mjedisor do të investohen mbi 7 milionë dollarë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56