POP 5

Lajmet më të lexuara të 5 minutave të fundit

 ‘Bankers Petroleum’ pjesë e panairit të punës te 'Politekniku'! Kompania më e madhe e prodhimit të naftës në vend: Punë për inxhinierë, elektricistë, IT e financierë

Kompania më e madhe e prodhimit të naftës në vend, Bankers Petroleum ofroi pozicionet e saj vakante për gjithë të interesuarit, në Panairin e Punës të zhvilluar pranë Universitetit Politeknik. Menaxheri i burimeve njerëzore, Zhang Fuguo e vuri theksin te interesi i madh i studentëve për të zhvilluar karrierën.

Studentët e Universitetit Politeknik të Tiranës, patën mundësi që të ofroheshin më pranë tregut të punës, nëpërmjet panairit që universiteti i tyre organizoi. Një ndër biznese e shumta pjesëmarrëse, ishte edhe Bankers Petroleum, kompania më e madhe e prodhimit të naftës në vend. Menaxher i Burimeve Njerëzore, Zhang Fuguo, u shpreh se janë disa vende pune vakante, por edhe praktika mësimore.

“Kemi vende të lira pune për inxhinierë, elektricistë, IT, financa dhe jemi të hapur edhe për praktika për studentët e këtij Universiteti. Ne kemi një program të dedikuar për praktika që ofron mundësinë për studentët e rinj që u lejon atyre të rrisin konkurrencën, të zhvillojnë një karrierë dhe të rrisin besimin”, tregoi ai.

Në 18 vite eksperiencë në treg, Fuguo thotë se Bankers ka zhvilluar karrierën e qindra njerëzve dhe ka përmirësuar cilësinë e tregut shqiptar të punës.

“Si një kompani ndërkombëtare që operon në Shqipëri prej rreth 18 vitesh, mund të them me krenari se Bankers ka zhvilluar karrierën e qindra njerëzve dhe ka përmirësuar cilësinë e tregut shqiptar të punës. Ne jemi gjithmonë të hapur për brezin e ri me talent dhe aftësi të mira. Ne shohim në këtë panair se interesi i studentëve për t'u bashkuar me Bankers është shumë i madh pasi ata na shohin si një mundësi jo vetëm për një vend të mirë pune, por edhe si një kompani për të zhvilluar aftësitë, ambiciet dhe rrugën e karrierës së tyre”, tha Zhang Fuguo, Menaxher i Burimeve Njerëzore në Bankers.

Bankers Petroleum Albania është prodhuesi më i madh i naftës në Shqipëri, duke dominuar mbi 90% të tregut, pjesa më e madhe e së cilës eksportohet në tregjet e huaja.

M.Q./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu