POP 5

Lajmet më të lexuara të 5 minutave të fundit

Bota

Banorët ankohen për rritje të shkallës së krimit, Amsterdami ndalon konsumin dhe shitjen e kanabisit në lagjen e ‘Dritave të Kuqe’

Së shpejti do të jetë e paligjshme pirja e kanabisit në rrugë në lagjen e dritave të kuqe të Amsterdamit sipas rregulloreve të reja të zbuluara nga qyteti. Ligjet do të hyjnë në fuqi nga mesi i majit dhe synojnë të përmirësojnë jetesën për banorët që janë ankuar prej kohësh për shqetësim të shkaktuar nga turistët.

Banorët ankohen për rritje të shkallës së krimit, Amsterdami ndalon konsumin dhe shitjen e kanabisit në lagjen e ‘Dritave të Kuqe’

Lagjia 'Dritat e Kuqe' në Amsterdam

Së shpejti do të jetë e paligjshme pirja e kanabisit në rrugë në lagjen e dritave të kuqe të Amsterdamit sipas rregulloreve të reja të zbuluara nga qyteti. Ligjet do të hyjnë në fuqi nga mesi i majit dhe synojnë të përmirësojnë jetesën për banorët që janë ankuar prej kohësh për shqetësim të shkaktuar nga turistët.

Punëtorët e seksit gjithashtu do të duhet të mbyllin vendet e tyre në orën 3 të mëngjesit.

Mediat lokale raportuan se pothuajse të gjithë këshilltarët mbështetën marrjen e masave për të reduktuar shqetësimin për banorët. Këshilli i qytetit njoftoi gjithashtu të enjten se restorantet dhe baret do të duhet të mbyllen deri në orën 2 të mëngjesit të premteve dhe të shtunave dhe asnjë vizitor i ri nuk do të lejohet në rrethin e vjetër të qytetit pas orës 1 të mëngjesit.

Aktualisht, shitja e alkoolit nga dyqanet, dyqanet e pijeve alkoolike dhe kafenetë në lagjen e dritave të kuqe është e paligjshme nga e enjtja deri të dielën pas orës 16:00. Tani, këshilli do t'u kërkojë shitësve që të heqin plotësisht alkoolin nga vitrinat e tyre gjatë asaj kohe, ose t'i fshehin ato nga pamja. Është e paligjshme të konsumosh alkool në shumicën e hapësirave publike në Amsterdam.

Kryeqyteti holandez është i njohur për konsumimin e kanabisit nëpër lokale dhe tërheq miliona turistë në vit. Por vendasit janë ankuar se abuzimi me drogën dhe alkoolin po rrit shkallën e krimit.

Sipas ligjeve aktuale në Holandë, posedimi, prodhimi ose tregtimi i drogës është vepër penale. Megjithatë, holandezët kanë një "politikë tolerimi" që lejon kafenetë të shesin kanabis në kushte strikte. Një nga këto kushte është që kafenetë të mos shkaktojnë shqetësime dhe qeveria i ka urdhëruar që të ndalojnë tërheqjen e përdoruesve të huaj të drogës.

Përveç ligjeve të reja, këshilli i Amsterdamit do të nisë një fushatë distancimi në pranverë për të mos pranuar turistët që udhëtojnë në kryeqytet për qëllime droge, alkooli dhe seksi.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Dita e parë në detyrë e kreut të Pentagonit, paralajmëron ndryshime të thella

Dita e parë në detyrë e kreut të Pentagonit, paralajmëron ndryshime të thella

27 Janar, 18:02