Shoferë të linjës së Dukagjinit kanë protestuar këtë të hënë përapara Bashkisë Shkodër. Ata kërcënojnë se nëse brenda një jave nuk do të ketë një projekt për rikonstruksionin e kësaj rruge, do të detyrohen të marrin masa për ndërprerjen e punës, dhe në këtë mënyrë të bllokohet plotësisht i gjithë komunikimi me këtë zonë.
Këtyre drejtuesve të mjeteve të linjës u kërkohet të paguhet liçensë për drejtimin, ndërsa e shohin totalisht të palogjikshme këtë kërkesë. Ata shprehen se rruga e Dukagjinit fillimisht duhet të ndërtohet dhe sigurohet jeta e banorëve dhe se me këta mjeta ata kanë shpëtuar edhe jetët e njerëzve për shkak të mungesës së ambulancave. Ndërkohë, pagesa për liçensën është shumë e lartë dhe e papërballueshme.
Edhe pse kanë pritur disa orë për të biseduar me kryebashkiaken e Shkodrës, Voltana Ademi, nuk kanë mundur të komunikojnë me të. Ata kërcënojnë se nëse nuk ka një përgjigje brenda një jave, do të bllokojnë punën e tyre, duke bllokuar kështu arsimin, shëndetësinë dhe komunikimin e banorëve të Dukagjinit me zonat urbane.
Ka reaguar Bashkia e Shkodrës për protestën e banorëve dhe shoferëve të Dukagjinit. Vildan Broja, përgjegjës i Sektorit të Transportit në Bashkinë Shkodër ka thënë janë nisur procedurat e nevojshme për kalimin në Këshillin Bashkiak të vendimit për hapjen e dy linjave të tjera Shkodër- Shosh dhe Shkodër- Pult dhe në mbledhjen e ardhshme, propozimi do të kalojë për miratim para Këshillit Bashkiak.
Drejtor i Shërbimeve në Bashkinë e Shkodrës, Alfred Luleta tha që po punohet maksimalisht prej 3 javësh për hapjes e rrugës së bllokuar nga trashësia e borës dhe rrëshqitjet e dherave në aksin rrugor Shkodër-Theth.
DEKLARATE PER MEDIAT
Bashkia e Shkodrës, me vendim të Këshilli Bashkiak ka miratuar linjën e transportit Shkodër- Shalë me stacione.
Për këtë linjë, është hapur konkurrimi për të gjithë të interesuarit, të cilët kanë aplikuar. Theksojmë se për këtë linjë ka aplikuar vetëm një subjekt, i cili ka marrë edhe licensën për transport udhëtarësh.
Ndërkohë, ne po vazhdojmë përpjekjen tonë për të ndihmuar të interesuarit për të operuar në fushën e transportit të udhëtarëve, pas kërkesave që kanë ardhur nga Njësitë Administrative Shosh e Pult. Kemi nisur procedurat e nevojshme për kalimin në Këshillin Bashkiak të vendimit për hapjen e dy linjave të tjera Shkodër- Shosh dhe Shkodër- Pult. Në mbledhjen e ardhshme, propozimi do të kalojë për miratim para Këshillit Bashkiak.
Nga ana tjetër, formalizimi apo licensimi është një detyrim ligjor për të gjithë sektorin e transportit të udhëtarëve dhe mallrave. Kjo i shërben sigurisë së qytetarëvë që qarkullojnë në Njësitë Administrative Shalë, Shosh e Pult. Po ashtu nënvizojmë se taksat dhe tarifat e Bashkisë janë krejtësisht të ulëta dhe të mundshme për tu përballuar.
I gjithë ky proces, është paraprirë nga takime dhe konsultime me operatorët e interesuar por edhe me banorë të zones. Madje, unë personalisht kam takuar disa herë personat e interesuar, të shoqëruar edhe nga administratorët e Njësive Administrative përkatëse, të cilëve për hir të ruajtjes së privatësisë së tyre nuk po ua përmend emrat. Theksoj se personat që sot kanë paraqitur disa shqetësime në media, nuk i kam takuar asnjëhere sepse nuk kanë ardhur të interesohen në sektorin përkatës të Bashkisë Shkodër.
Si deri më tani, Bashkia Shkodër është e hapur për të diskutuar dhe gjetur zgjidhjet më të mira të mundshme në interes të komunitetit edhe për transportin e udhëtarëve.Vildan BROJA- Përgjegjës i Sektorit të Transportit në Bashkinë Shkodër
DEKLARATË PËR MEDIAT
Siç besojmë jeni në dijeni, prej 3 javësh Bashkia e Shkodrës me mbështetjet e Forcva të Armatosura po punojnë për zhbllokimin e aksit rrugor Shkodër- Theth. Me gjithë vështirësitë e mëdha, trashësinë e borës dhe rrezikun e ortekëve, puna vazhdon pa ndërprerje dhe shpresojmë që brenda pak ditëve, rruga deri në Theth do të hapet. Pas zhbllokimit, është planifikuar ndërhyrja për mirëmbajtje në aksin Qafë Thore- Theth- Ndërlysaj gjatë gjithë vitit. Kjo konsiston në riparimin dhe mirëmbajtjen për shkak të amortizimit për periudhën pas dimrit që të vihet në funksion për turizimin. Gjithashtu është parashikuar mbajtje në dispozicion e mjeteve për ndërhyrje të zhbllokimit të rrugës për raste emergjente, siç mund të jenë rrëshqitjet e shkëmbinjëve apo dherave.
Sa i takon aksit Prekal- Kir- Breg Lumi- Ndërlysaj, janë bërë përpjekjet maksimale gjatë gjithë stinës së dimrit të mbahej e zhbllokuar, duke ulur numrin e ditëve kur nuk mund të kalohej, krahasuar me vitet e tjera. Kjo, megjithëse sasia e rreshjeve të borës ka qënë më e madhe se vitet e kaluara. Gjithashtu është planifikuar deri në fund të vitit punime të riparimit dhe mirëmbajtjes së saj si dhe mbajtje në dispozicion e mjeteve për ndërhyrje të zhbllokimit të rrugës për raste emergjente, siç mund të jenë rrëshqitjet e shkëmbinjëve apo dherave.
Paralelisht, është bërë vlerësimi për përmirësimin e infrastrukturës në këtë aks dhe po vazhdojmë procedurat për realizimin e mirëmbajtjes së këtij aksi gjatë gjithë vitit, bazuar në fondin e miratuar në Këshillin Bashkiak për vitin 2018. Nga vlerësimi i nevojave të paraqitura nga banorët dhe administratorët, është parashikuar ndërhyrja për riparim e 14 urave të cilat janë dëmtuar në periudha të ndryshme për shkak të kushteve ekstreme atmosferike.Alfred LULETA, Drejtor i Shërbimeve në Bashkinë e Shkodrës
Lajme të tjera
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Ikën stuhia, Shkodra përfshihet nga dëbora, të gjitha rrugët të kalueshme (VIDEO)
23 Nëntor, 11:55 -
Moti i keq në Shkodër, prurje masive ujërash në tunelin e Gjegjanit! Policia dhe nënkontraktori në terren me 2 fadroma
22 Nëntor, 19:26 -
Moti i keq/ Fshatrat e Shkodrës pa energji elektrike
22 Nëntor, 18:21 -
Vllaznia pret Teutën, Thomas Brdaric: Durrsakët me përgatitjen më të mirë fizike në kampionat, kemi mungesa
22 Nëntor, 13:44 -
Atentati në Shkodër/ Zbardhet dëshmia e policëve: S’e njohëm personin e 3 nëse ishte Ibrahim Lici! Gjykata i liron nga qelia, pezullohen nga detyra
22 Nëntor, 13:11 -
Moti i keq/ Disa fshatra në Vaun e Dejës pa energji elektrike! Rrëshqitje dherash në rrugët e Fushë-Arrëzit
22 Nëntor, 12:28 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
VIDEOLAJM/ ‘Ik, zhduku’, kush i provokoi nga brenda Ministrisë së Arsimit qytetarët që po protestonin për vrasjen e Martin Canit
21 Nëntor, 16:36 -
Qyteti i Pukës mbetet pa spital, era e fortë rrëzon çatinë! Rrëshqitje dherash në Fushë-Arrëz, tre banesa rrezikojnë të shemben
21 Nëntor, 16:33 -
Studimi në Shkodër: Afro 20 për qind e nxënësve bullizohen në shkollë! Shqetësim dhe mungesa e oficerëve të sigurisë
21 Nëntor, 16:16
