Në të tretën ditë, banorët e Rrjolit të Shkodrës vijuan protestën kundër ndërtimit të resortit luksoz të ndërtuesit dhe botuesit Bashkim Ulaj. 25 banorët që u shoqëruan një ditë më parë, janë liruar dhe u rikthyen sërish në protestë me banorët e tjerë.

Ka mjaftuar një tentativë për të hyrë në kantier dhe kanë nisur tensionet mes tyre dhe policisë. Luigj Pjeshkaj 63 vjeç humbi ndjenjat gjatë përplasjes me policinë ndërkohë që banorët nuk kanë kursyer akuzat ndaj shtetit në këtë moment.  

Sipas banorëve, kjo situatë kërkon zgjidhje dhe nuk kanë në plan të bëjnë asnjë hap pas për të mbrojtur tokat e tyre nga resorti luksoz që do të ndërtojë botuesi pranë familjes Berisha, Bashkim Ulaj.

Ditën e nesërme banorët e Rrjollit pas 3 ditëve protestë në rrugën Shëngjin – Velipojë do t’i drejtohen Tiranës ku do të kërkojnë ndihmën e SPAK duke pasur parasysh faktin që prej Marsit të vitit të kaluar ka një kërkesë drejtuar Prokurorisë së Posaçme për të shqyrtuar çështjen e tyre.

Më 15 janar të këtij viti, Ministrja e Infrastrukturës dhe Energjisë, Belinda Balluku, ka firmosur lejen e ndërtimit për resortin turistik gjigant në zonën bregdetare, ndërmjet Ranës se Hedhun dhe Velipojës. Kompleksi, sipas projektit do këtë sipërfaqe rreth 146 hektarë, një nga investimet më të mëdha turistike në vend. Por për banorët, kjo leje nuk zhbën realitetin e ashpër pasi toka e tyre është zaptuar nga privati dhe shteti është vënë kundër tyre për të shtypur protestën me dhune.

Më 31 dhjetor 2024, biznesmeni Bashkim Ulaj, botues dhe pronar i stacionit televiziv A2 së bashku me dy vëllezërit e tij Astrit dhe Ahmet Ulaj morën statusin e veçantë “investitor në strukturë akomoduese me 5 yje, status special” për ndërtimin e resortit turistik Blue -Borgo” nga "Gener 2"  “Aba Blue Borgo”, sh.p.k. Ky fshat turistik me vila e hotele luksoze do të ndërtohet në kufi mes Ranës së Hedhun dhe zonës Baks-Rrjoll në Shkodër.

Lajmi në përditësim....

SI.E./I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 2 Shkurt, 13:24

    A e mbështesni kërkesën e gjyqtarëve për rritje page?

Lajme të tjera