Banorët paralajmërojnë policinë: Kanë ardhur me shkopa gome, nëse preket njëri me dorë do e shohin kush jemi ne! Nuk lëvizim derisa të hiqen tabelat

 

Banorët e shqetësuar thonë se nuk do të largohen, pavarësisht prezencës së forcave të policisë. Ata thonë se janë të gjithë të zonës dhe nuk do të dorëzohen derisa të merret vendimi që të bëhet sërish lëvizja me dy sense drejtimi.

"Ky është shteti që na kanë sjellë për të na rrahur, për të na mbyllur në shtëpi. Për të blerë bukë, duhet t'i biem nga Vora. Nuk çojmë dot fëmijët në shkollë. Unë e kam marrë vesh pardje, nuk dimë asgjë. Nuk ka asnjë rrugë, vetëm nga Fushë-Kruja. Është planifikuar protesta 10-12. Deri me 12 nuk do të lëvizim. I kemi njoftuar të gjithë. Këtu është planifikuar vendi. Nesër nga 6 e 8 orë do rrimë këtu derisa të hiqen tabelat, ose do të marrim kazma e matrapika për të hapur një kanal për të kaluar. Nuk gjendet zgjidhet me këta. Shihe çfarë ka bërë kryeministri jonë. Ne nuk kemi ardhur me shkopa gome. Ne kemi ardhur me duar në xhepa. Nëse njëri nga banorët e Rinasit preket me dorë, atëherë keni për ta parë se kush janë banorët e Rinasit", thonë banorët.

Banorët thonë se ky vendim për të bërë lëvizjen me një sens drejtimi ka rritur edhe koston e përditshme.

“Nga shtëpia deri në aeroport shkon 15 mijë lekë. Ne jemi të gjithë këtu", tha një banor.

Për 100 metra rrugë duhet të bëj 60 km, duhet të shkoj në Vorë, në kthesë të Kasharit e të kthehem”, thotë një tjetër protestues.


Lajmi kryesor:

Rruga në Rinas me një sens, banorët bllokojnë rrugën për 30 minuta! Përplasen me policinë: Nuk shkojmë dot as për të varrosur të vdekurit, na kanë izoluar! Nesër mblidhemi sërish


A.M./Shqiptarja.com
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Blerina Bala merr drejtimin e Bashkisë së Himarës! Bashkëshorti këshilltar ‘bojkoton’ votimin! Votat që opozita bashkoi me PS

Blerina Bala merr drejtimin e Bashkisë së Himarës! Bashkëshorti këshilltar ‘bojkoton’ votimin! Votat që opozita bashkoi me PS