DURRES - Katër vite në pritje të rindërtimit, banorët e një pallati në Durrës kane vendosur në shenje proteste të hyjnë në pallatin e dëmtuar, pasi nuk kanë asnjë përgjigje nga Bashkia për rikonstruksionin e objektit.
Banorët e pallatit nr. 196 në lagjen nr. 13 të plazhit në Durrës protestuan këtë të mërkurë pasi prej disa muajsh janë ndërprerë punimet për rikonstruksionin e objektit.
Ata thanë se janë rikthyer pas 4 vitesh për të jetuar në pallatin që ka marrë dëme të shkallës DS4, pasi në mungesë të bonusin të qirasë kanë mbetur pa strehë.
![](https://shqiptarja.com/template/img/NO_ALFA_Kuadrate shqiptarja.png)
Banorët janë interesuar në Bashkinë Durrës dhe u është komunikuar se kanë mbaruar fondet për rikonstruksionin e tij.
‘Pallati i prishur. Të fut ujin brenda. Ata erdhën e prishën e nuk e rregulluan’- u shpreh një banor.
‘Kërkojmë të na rregullohet pallati bie shi tani hyri gjithë shiu brenda. I kanë hequr dhe pllakat. Qira nuk na dhanë!’- tha një banor.
‘Filloi puna gjoja i hoqëm plaçkat. Prishën dyer e penxhere, e mure edhe kur shohim ne ikën. Na thanë nuk kemi fond. Ai skelave tha do lekët’- tha një banor.
Në kushte të tilla, banorët janë rikthyer na pallatin e dëmtuar nga tërmeti i 26 nëntorit 2019 edhe pse është shpallur I pabanueshëm nga Instituti I Ndërtimit.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)