POP 5

Lajmet më të lexuara të 5 minutave të fundit

Kultura

Opinion

Banori i Pallatit 176

Dhe kështu, një ditë u largua nga pallati, por jo nga Pallati 176, Anastas Kristofori. Duam s’duam në vende të vogla kemi fatin të njohim nga afër njerëz të mëdhenj. Banojmë në pallate me shkrimtarë, piktorë, kompozitorë, futbollistë, analistë (këta të fundit vetëm për humor po i fus te kategoria e njerëzve të mëdhenj) dhe i marrim ata si të mirëqënë. në fund të fundit, banorë janë.

Banori i Pallatit 176

Nëpër pallatet e vjetra, mungesa që shkakton largimi i banorëve mbetet si plagë e freskët. Pallati nuk është më njësoj. Pallati reagon” ndaj bojës me të cilën e lyejnë, e jo më ndaj banorëve që i japin ngjyrimin që asnjë bojë, sado e sofistikuar, nuk mund ta sjellë.

Dhe kështu, një ditë u largua nga pallati, por jo nga Pallati 176, Anastas Kristofori. Duam s’duam në vende të vogla kemi fatin të njohim nga afër njerëz të mëdhenj. Banojmë në pallate me shkrimtarë, piktorë, kompozitorë, futbollistë, analistë (këta të fundit vetëm për humor po i fus te kategoria e njerëzve të mëdhenj) dhe i marrim ata si të mirëqënë. në fund të fundit, banorë janë.

Perikliu do të mbahet mend me “Vava Vuvu”, për krushkun e tij të famshëm, Roland Trebicka, me të cilin bashkohet sërish në pallatet e një imagjinate njerëzore. Perikliu, drejtori i famshëm, i ati i Elsës, ai që artikuloi vargjet: “Tatjana i drejtohet Onjeginit, ç’kërkon më veç shprirtit tim”.

Shfaqja “Pallati 176” me autore Adelina Balashin u kthye në një prej shfaqjeve më të pëlqyera për publikun sqimatar shqiptar të para viteve 90-të. Aq e vërtetë ishte kjo shfaqje, sa batutat e saj shoqëruan publikun edhe pas viteve 90-të. “Krushqi me Jovan Bregun”.

Anastas Kristofori më sjell në kujtesë një tjetër personazh nga filmi “Lulëkuqe mbi mure”, një kujdestar që u hedh bonjakëve copëza të ngrira sheqeri mes mjerimit të jetimëve për të cilët sheqeri është dicka që do të mungojë gjatë.

Eh “Prefekti”, me sekretarin e tij, më kujton Anastasin me gjyzylykë, teksa Robert Ndrenika i dikton tekstin e letrës dhe ai e lexon atë në një dialekt jo tironas. Eh, Tirana, me jo tiranasit e saj të mëdhenj që lënë gjurmë të thella te çdo artdashës dhe sado ata tí largohen për fare pallateve të tyre, nuk do të mund tu largohen kurrë qyteteve, shtëpive, televizorëve dhe batutave tona.

a.m./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kamberi: Nëse protestat 'shuhen', Vuçiç do e çojë Serbinë në diktaturë

Kamberi: Nëse protestat 'shuhen', Vuçiç do e çojë Serbinë në diktaturë

25 Dhjetor, 20:46