Baqël, fshati ku burrat s’flenë natën por rrinë roje! Hajdutët bëjnë kërdinë, çdo javë sulmohet 1 shtëpi

Në këtë fshat banorët nuk flejnë natën. Ata bëjnë roje për të mbrojtur pronën e tyre nga hajdutët.

“Me frikë rrimë në shtëpi. Rrimë duke bërë roje me radhë njerëzit e shtëpisë. Tani një muaj kanë ndodhur 4 vjedhje dhe asnjë nuk është kapur”, tha një banor.

“Ju betohem se jemi duke punuar tërë ditën dhe tërë natën bëjmë roje. Jam duke riuuajtur djersën time. Tek policia nuk kam aspak besim. Ne punojmë dhe vjen ai tjetri e merr gati. Vendosim duart në krye”, u shpreh një grua.

LEXO EDHE:
Shëngjin/ ‘Rana e Hedhun’ tërheq turistët e huaj me kampera: Perlë e bregdetit shqiptar, ia vlen të vizitohet

Çdo javë ndodh një vjedhje. Në fshatin Baqël të Njësisë Administrative të Blinishtit në Lezhë fenomeni ka marrë përmasa të frikshme. Bagëtitë e sende të ndryshme shtëpiake po bien më tepër pre e hajduteve. Banorët janë shumë të shqetësuar për situatën e krijuar

“Janë problem aq shumë sa nuk ka më. Mua më kanë vjedhur tre herë. Një ‘mështjerrë’, një motor dhe dyqanin. Kur jam ngritur në mëngjes ma kanë bërë dyqanin bosh”, tha ndër të tjera gruaja

“Policia nuk ka bërë asgjë. Më kanë marrë motorrsekë, lopën, fresibla, gjeneratorë”, tha një tjetër.

“Me thënë medet po erret se na vjedhin. Më kanë vjedh 2 viça. Problem është mjaft”, u shpreh një banor i Baqlit.

Baqeli nuk është i vetmi fshat ku hajdutët po bëjnë kërdinë. Nga raportimet në polici, ngjarje ka në të gjitha fshatrat e Lezhës.

/r.k./Shqiptarja.com

TAG:
• Lezhe
• hajdutet
• Baqel