Meçe demaskon Berishën: Sorosin në Shqipëri e solle vetë, në 1997 e kishe mik të ngushtë, sot armik! Dosjen e 'nongrata' ta përgatiti FBI

Analisti Arben Meçe akuzon Berishën se po synon të prodhojë një propagandë kundër SHBA-së. Në një analizë në ‘Studio e hapur’ të gazetarit Arbër Hitaj në Report Tv Meçe demaskon propagandën e Berishës për Sorosin dhe kthehet pas në kohë duke kujtuar takimin me kryetarin e PD-së në 1997

“Sorosin për herë të parë e ka futur Sali Berisha. Shqetësimin e Sorosit e kam pasur unë se po krijohej opozita inekzistente. Jo më tha. Ai është instrument i demokracisë amerikane. Kam 35 vite që merrem me politike. Në 1997 Soros ishte miku i ngushtë i joni, u bë armik pasi u bë non grata Berisha” thotë Meçe.

Demaskon dhe ‘propagandë’ e Berishën se Donald Trump me të marrë qeverinë amerikane do të heqë Berishën dhe familjen e tij nga lista e zezë.

‘ Në Shqipëri si rrjedhim i kësaj propaganda po prodhohet një frymë antiamerikane të tanishme dhe pro amerikane të nesme pra po krijohet një ndasi politike

Nongrata nuk janë politika mediokre por shtetërore që Amerika i përdor gjithmonë për të ndryshuar elementët politikë ku influence ruse e çorienton ambientin. SHBA, çdo vendim politik që merr në arenën ndërkombëtare është strategjik dhe serioz dhe nuk ndryshon”

Meçe thotë se Berisha po përpiqet të krijojë një imazh të dëmshëm për SHBA në Shqipëri.

“Berisha synon të prodhojë një frymë antiamerikane por nuk do ia dalë. Berisha nuk është nongrata si rrjedhim i një individi por nga struktura të sigurisë komëbate të SHBA e NATO-s. Në përgatitjen e dosjes së Berishës është FBI. Kanë kryeqëzuar informacionet e dalin konkluzionet. Dosjen nuk e ka përgatitur politika”

Meçe i cili ka 35 vite që merret me politikë kujton se ka qenë vetë ai që ka denoncuar se në krye të PD-së qëndrojnë agjentë të shërbimit jugosllav dhe se SHBA sot me politikën e saj po synon të gjejë elementë të rinj për të ringritur opozitën.

“Që në 1996 kam deklaruar se në kryesi të PD-së kishte maxhorancë të agjentëve të shërbimit jugosllav. Në mënyrë permanente kam vijuar ta them. Është shqetësuese se këta individë janë në kupolën e kryesisë” tregon Meçe duke iu përgjigjur dhe kundërshtarëve të tij që e quajnë spiun se ai ‘është  i vetmi person në Shqipëri që  ka marrë  3 herë pastërtinë e figurës’

Ndërkohë sot në më pak se 5 muaj para zgjedhjeve të përgjithshme parlamentare të 11 majit ambasada amerikane përcolli mesazhin e qartë se  Sali Berisha nuk mund të jetë alternativa qeverisëse për shqiptarët. Pas një takimi me disa deputetë të opozitës,  Nancy VanHorn  u kujdes ta nënvizojë se SHBA nuk do të bashkëpunojë me një person të shpallur non grata për korrupsion madhor si kreu i PD.

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?



×

Lajmi i fundit

Mjegulla mbulon Korçën dhe akset nacionale, policia apel shoferëve: Qarkulloni me shpejtësi të reduktuar  (VIDEO)

Mjegulla mbulon Korçën dhe akset nacionale, policia apel shoferëve: Qarkulloni me shpejtësi të reduktuar (VIDEO)