Barcelona dhe PSG janë një hap larg çerekfinaleve të Champions League, pasi kanë fituar ndeshjet e para me një avantazh që u jep qetësi në aktin e dytë.

Ndeshja më e fortë e mbrëmjes u zhvillua në Angli mes Sitit dhe Barçës, sheikët zhvilluan një ndeshje pozitive, por ai që përcaktoi rrjedhën e lojës ishte arbitri, i cili akordoi në pjesën e dytë një penallti të dyshimtë për Barcelonën.

Mesi u pengua nga Demicelis në limitet e hyrjes së zonës, por arbitri akordi penallti dhe karton të kuq për mbrojtësin.

Sipas pamjeve filmike, Mesi u ndalua jashtë zone dhe jo brenda duke i dhënë të drejtë pretendimit të vendasve.

Mesi nga pika e bardhë shënon në minutën e 54, ndërsa në vazhdim Siti tentoi të barazonte, por në fund Alves shënon golin e sigurisë.

Në ndeshjen tjetër Leverkusen ka humbur 0-4 me PSG. Për francezët kanë shënuar Ibra dy herë, Matudi dhe Cabaye.

Vlen të theksohet super goli i Ibrës me një gjuajtje të fuqishme jashtë zone.



d.b/shqiptarja.com