POP 5

Lajmet më të lexuara të 5 minutave të fundit

Sport

Barazim pa vlera në Kukës
triumfojnë Partizani dhe Laçi 

Kukësi dhe Vllaznia janë ndarë në një barazim pa shumë vlera 1-1 në stadiumin ‘Zeqir Ymeri’.  Partizani ka triumfuar përballë ekipit të Bylisit me rezultatin 2-0 me gola të shënuar nga pika e bardhë e penalltisë.
Kukësi dhe Vllaznia janë ndarë në një barazim pa shumë vlera 1-1 në stadiumin ‘Zeqir Ymeri’. Shkodranëve duket se u ka bërë mirë ndryshimi i trajnerit, pasi ka zhvilluar një lojë mbi nivelin mesatar në Kukës. Miqtë kanë kaluar shumë shpejt në avantazh me Dibrën më minutën e 13 duke befasuar ekipin e Kukësit. Me këtë rezultat përfundoi edhe pjesa e parë.

Në fraksionin e dytë të ndeshjes, Kukësi hidhet në sulm në kërkim të golit të barazimit duke tentuar në të gjitha mënyrat, por pa arritur të gjejë rrugën e rrjetës deri 8 minuta nga fundi kur barazon me Hysën pas një rrëmuje në zonë. Sulmuesi përfitoi duke shtyrë topin në rrjetë dhe i dhënë një pikë me vlerë për mënyrën se si rrodhi loja.

Brazimi nuk u bën shumë punë asnjërit prej dy ekipeve, pasi Vllaznia mbetet në vendin e 8 me 26 pikë, ndërsa Kukësi në vendin e 3 me 34 pikë duke u larguar 3 pikë nga vendi i dytë që mbahet nga Laçi me 37 pikë. Lushnja ka qenë preja e radhës e Laçit që e mundi minimalisht 1-0 me golin e Malos. Ish-futbollisti i Partizanit spikati me lojën e tij duke shënuar golin që ka vlerë më shumë se tre pikë të thjeshta, pasi e afron ekipin me Evropën duke krijuar edhe një shkëputje të vogël.

Skënderbeu marshon i qetë drejt titullit kampion duke mposhtur me lehtësi Kastriotin 3-1. Golat u shënuan nga Muzaka, Pejic dhe Ribaj, ndërsa golin e nderit për Krujën e shënoi Çela.  Skënderbeu vazhdon i qetë kryesimin duke menduar tani për Kupën, e kundërta ndodh me Kastriotin që ndodhet në vendin e fundit duke rrezikuar seriozisht  qëndrimin. Partizani ka triumfuar përballë ekipit të Bylisit me rezultatin 2-0 me gola të shënuar nga pika e bardhë e penalltisë. Golat janë shënuar nga Memelli në minutën e 5 dhe Nexjipi në të 45. Me këtë fitore ekipi i Partizanit ngjitet në vendin e 4 në renditje me 33 pikë. 


d.b/shqiptarja.com

/Shqiptarja.com
  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze