X

POP 5

Lajmet më të lexuara të 5 minutave të fundit

Sport

Barcelona bën goleadë ndaj Huesca dhe tremb Atleticon, fiton edhe Liverpool (VIDEO)

Barcelona bën goleadë ndaj Hueskas, rimerr vendin e dytë dhe i bën presion kryesuesve të Atletiko Madrid. Katalanasit janë vetëm katër pikë larg kreut në Spanjë. Ndërkaq Liverpuli u rikthye tek fitorja në kampionatin anglez.

Barcelona fiton me goleadë ndeshjen e fundit të javës së 27-të në La Liga. Katalanasit bombarduan Huesca-n në “Camp Nou” 4-1 dhe rimarrin vendin e dytë duke i bërë presion Atletico Madrid që mban kryesimin. Çështja e titullit kampion në Spanjë është tërësisht e hapur me tre skuadrat kryesore Atletico, Barça e Real që ndahen nga 6 pikë.

Mbrëmjen e djeshme protagonisti kryesor ishte kapiteni Leo Messi që shënoi dy gola shumë të bukur në minutat 13-të dhe 90-të. Ylli argjentinas dhuroi edhe pasimin tek goli i Mingueza ndërsa super gol realizoi edhe francezi Griezmann. Leo Messi veshi mbrëmë për herë të 767-të fanellën e Barcelonës duke arritur legjendën Xavi Hernandez.

Ndërkaq në Premier Leaguen angleze u rikthye tek fitorja Liverpool që mposhti në transfertë Wolves 1-0 në ndeshjen e javës së 29-të. Vendosi goli i një ishi Diogo Jota në fundin e pjesës së parë. Liverpool morri pikë jetike për garën Champions megjithëse është 5 pikë larg Chelseat. /Përgatiti Andi Kapxhiu.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Basha akuzon se ka aleancë PS-Rithemelimi kundër SPAK, e besoni?

Lajme të tjera



×

Lajmi i fundit

Pejë, vritet me armë zjarri një grua nga bashkëshorti i saj

Pejë, vritet me armë zjarri një grua nga bashkëshorti i saj

16 Prill, 09:15