POP 5

Lajmet më të lexuara të 5 minutave të fundit

Sport

Barcelona shkarkon Valverden, Quique Setien është trajneri i ri i katalanasve

Ndryshimi në pankinën e Barcelonës është edhe zyrtar. Katalanasit kanë shkarkuar trajnerin Ernesto Valverde dhe në stol do të ulet Kike Setien. 61 vjeçari ka firmosur një kontratë deri në 30 qershor të vitit 2022. Ndryshimi në pankinë erdhi pas humbjes ndaj Atleticos në gjysmëfinalen e Superkupës.

Barcelona ka shkarkuar edhe zyrtarisht trajnerin Ernesto Valverde. Në mbrëmje vonë klubi katalanas ka bërë edhe komunikatën zyrtare ku fillimisht lajmëroi largimin e Valverdes dhe më pas zyrtarizoi teknikun e ri. Quique Setien 61 vjeç është timonieri i ri i Messit me shokë dhe ka firmosur një kontratë deri në 30 qershor të vitit 2022.

Pas humbjes me Atletico Madrid në gjysmëfinalet e Superkupës katalanasit vendosën të ndryshonin trajner dhe fillimisht pankinën ia ofruan Xavi-t. E djeshmja ka qënë një ditë e ngarkuar për drejtuesit katalanas dhe presidenti Bartomeu gjatë ditës i komunikoi vendimin Valverdes dhe më pas u zgjidh marrëveshja mes palëve. Barcelona nuk shkarkonte një trajner në mes të sezonit që prej 17 vitesh ndërsa Valverde kishte kontratë deri në fund të këtij sezoni me opsion rinovimi.

 Trajneri i ri Quique Setien ka drejtuar në të kaluarën ekipe më të vogla se Barcelona si Las Palmas dhe së fundmi Real Betis. 61 vjeçari është një trajner që gjithmonë ka pëlqyer stilin e lojës së Barcelonës dhe është munduar ta aplikojë në ekipet që ka drejuar.Setien do të debutojë në pankinën e blaugranëve këtë të dielë ndaj Granadas dhe do të ketë direkt prezantimin me “Camp Noun”.

Ernesto Valverde

Quique Setien

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Komisioni Hetimor për Shëndetësinë, Zhupa: Milva Ekonomi ka munguar në 2 mbledhje pas akuzave tona për konflikt interesi, e pres si dëshmitare

Komisioni Hetimor për Shëndetësinë, Zhupa: Milva Ekonomi ka munguar në 2 mbledhje pas akuzave tona për konflikt interesi, e pres si dëshmitare

25 Prill, 11:38