Barrikada në Mitrovicë, përleshje
me gurë mes të rinjve
Një përleshje me gurë mes dy grupeve të rinjsh, tek barrikada mbi urën e Ibrit në Mitrovicë, për pak sa nuk ka shkaktuar incident të përmasave më të mëdha. fatmirësisht nga përleshja e pasditen e 11 majit, nuk ka të lënduar.
MITROVICE- Një përleshje me gurë mes dy grupeve të rinjsh, tek barrikada mbi urën e Ibrit në Mitrovicë, për pak sa nuk ka shkaktuar incident të përmasave më të mëdha.
Sipas mediave kosovare, nga ngjarja e pasdites së 11 majit nuk të lënduar, ndërsa dy të rinj shqiptarë janë shoqëruar në stacionin policor në jug të qytetit.
“Incidenti mund të përshkallëzohej po të mos intervenonin me kohë pjesëtarët e policisë së Kosovës që qëndrojnë mbi urë”, kanë thënë për “Kosovapress” disa qytetarë të rastit, të cilët gjatë incidentit kanë qenë afër urës.
Dy të rinj shqiptarë, banorë të Lagjes së boshnjakëve, kanë bërë të ditur për “Kosovapress” se duke ardhur për në pjesën jugore të qytetit, janë provokuar dhe më pastaj janë gjuajtur me gurë nga disa serbë, që qëndrojnë vazhdimisht afër barrikadës.
Sipas tyre, ata janë sharë dhe fyer, ndërsa i janë përgjigjur provokimeve duke hedhur po ashtu gurë në drejtim të tyre.
Disa qytetarë të pranishëm në atë moment tek ura, kanë thënë se policia ka reaguar menjëherë duke penguar përkeqësimin e situatës.
“Ka pasur pastaj shtyrje në mes të policëve që gjendeshin mbi urë dhe të rinjve shqiptarë që po tentonin të shkonin në drejtim të serbëve. Në ato momente, një polic ka përdorur sprajin ndaj dy të rinjve shqiptarë, ndërkohë që aty me shpejtësi kanë arritur tri automjete të policisë dhe me pas edhe disa automjete të karabinierëve italianë, të cilët kanë shoqëruar shqiptarët në stacion të policisë”, kanë thënë dëshmitarët.
Njëri nga policët, në kushte anonimiteti tha për “Kosovapress” se “nuk e di se si ka filluar incidenti, por këtu mbi urë u desh të ndërhyjej pasi të rinjtë shqiptarë donin të shkonin në drejtim të serbëve në cepin verior të urës”. Ndërkaq, polici serb tha se “ishte një provokim i dyanshëm i disa të rinjve dhe më pasj u përdorën gurët nga të dyja grupet, por nuk u lëndua askush dhe çdo gjë përfundoi mire”.
“Gjithçka do të sqarohet pas vëzhgimit të xhirimeve që kanë bërë kamerat e instaluara përreth urës”, ka thënë polici.
Marrë nga "Kosovapress"
(e.s/shqiptarja.com)
Sondazhi i ditës:
Kabineti i ri qeveritar, jeni dakord me ndryshimet e bëra nga Rama?
-
Po
37%
-
Jo
52.8%
-
Nuk e di
10.2%
Vota total: 6137
Votat totale janë unike
Lajme të tjera
-
Durrës, ndezi zjarr te ‘Shkëmbi i Kavajës’ dhe rrezikoi disa banesa, në pranga 64-vjeçari
30 Korrik, 10:08
-
Zjarri në Ranën e Hedhun, drejtori i zjarrfikëses: Ndërhyrje me helikopter, forcat kanë punuar gjatë gjithë natës! Balla në terren
30 Korrik, 10:03
-
Kryeministri më jetëgjatë me ministrat e Financave më jetëshkurtër
30 Korrik, 09:55
-
Shqiptari kapet me 1 milion euro kokainë në makinë, punonte për organizatat kriminale në Itali
30 Korrik, 09:48
-
Berat, tentoi të mbyllte një çështje penale 'arrest shtëpie' për ish-oficerin e Policisë Gjyqësore
30 Korrik, 09:46
-
Ndryshimet në qeveri ende ‘pezull’, pritet dekreti i Bajram Begajt
30 Korrik, 09:45
-
Situatë kritike nga zjarri në Ranën e Hedhun, pamjet e ndërhyrjes me helikopter
30 Korrik, 09:16
-
Biden kritikon 'ekstremizmin' në Gjykatën Supreme, bën thirrje për mandate me limite
30 Korrik, 09:11
-
Zjarri në Ranën e Hedhun jashtë kontrollit, rrezikohen biznese e banesa! Zjarrfikësit luftë me flakët gjatë gjithë natës
30 Korrik, 08:55
-
Pamje ‘apokaliptike’ nga Rana e Hedhun, flakët ‘rrethojnë’ resorte e banesa
30 Korrik, 08:49
-
Zjarri në Gjirokastër, aktiv gjatë gjithë natës! Zjarrfikësit në 'luftë' me flakët
30 Korrik, 08:45
-
Media italiane ‘Tag24’: Cilat vende të vizitoni në Shqipëri për pushimet verore 2024
30 Korrik, 08:17