Teksa kryeministri Edi Rama vijon fushatën elektorale për zgjedhjet e 30 qershorit, nga ana tjetër lideri demokrat Lulzim Basha thotë se nuk do të ketë zgjedhje në këtë datë. Ai i bën thirrje qytetarëve të ngrihen në protestën e radhës kundër qeverisë, e cila do të mbahen më 21 qershor, të premten në orën 20:00.

"30 qershori është varreza politike e Edi Ramës, shokut të avdylajve dhe bandave të krimit. Shqiptarët janë ngritur në këmbë në betejën kombëtare për Shqipërinë si gjithë Europa. Boll më me Shqipërinë që duan vetëm ata! Tani është koha për Shqipërinë e të gjithë shqiptarëve! Asnjë hap pas!", shkruan Basha teksa kryeministri Rama mbante takimet elektorale në qarkun e Korçës.