POP 5

Lajmet më të lexuara të 5 minutave të fundit

Politikë

Basha:Ligjërisht s'ka zgjedhje në
18 Qershor, KQZ ka marrë fund!

Ndryshe nga kryeministri që këmbëngul se zgjedhjet do të bëhen më 18 Qershor, kryeopozitari Lulzim Basha shprehet se zgjedhje në këtë muaj nuk do të ketë  VIDEO
TIRANËNdryshe nga kryeministri që këmbëngul se zgjedhjet do të bëhen më 18 Qershor, kryeopozitari Lulzim Basha shprehet se zgjedhje në këtë muaj nuk do të ketë.

Duke mbajtur fjalimin sot nga cadra e protestës, Basha hodhi një sërë akuzash ndaj institucionit kryesor të zgjedhjeve, KQZ.

“Edi Rama dhe Ilir Meta kanë thyer kodin zgjedhor se ligjërisht nuk ka zgjedhje në 18 qershor, nuk ka lista kandidatësh për 18 qershor”, tha Basha.
 
Ai akuzoi KQZ-në se ka refuzuar ti vërë në dispozicion tre anëtarëve të saj, listat e qytetarëve që kanë firmosur për disa parti politike.
 
“Sot KQZ ka bërë harakirin total, ka refuzuar të vërë në dispozicion të tre anëtarëve të votuar nga opozita, listat e partive që janë detyruar të mbledhin firmat për partitë që janë futur në zgjedhje. Kanë refuzuar sepse kjo KQZ është bërë mburojë e paligjshmërisë refuzoi të zbatonte më 27 prill listat që kishin ardhur me vonesë sepse transparenca është armiku kryesor i republikës së vjetër. KQZ ka marre sot fund per ne si entitet i ligjshëm i republikës së vjetër”, tha më tej Basha.

Ky reagim i Bashes vjen sot kur përfaqësues të PD-së në KQZ u shprehën se nuk ka kohë fizike për të shqyrtuar të gjitha listat e partive. Sipas tyre nevojitet 1 dite kohe per ta bere kete gje, ndërsa Biba u shpreh se ato duhen mbyllur.
​Anëtarët e djathtë në shenjë proteste braktisin mbledhjen dhe largohen duke bojkotuar tryezën e sotme te KQZ.

Edhe sot kryedemokrati përsëriti dhe njëherëse rruga e vetme është qeveria teknike.

“Rruga e vetme për zgjedhje të lira dhe të ndershme është qeveria teknike me mbështetje të gjerë politike. Ajo do nisë me largimin e kriminelëve nga institucionet, do vazhdojë me luftën kundër drogës, do garantojë kushtet që shqiptarët të votojnë si qytetarë europianë, do garantojë barazinë në garë dhe transparencën. Këto janë kushtet, jo të miat, as të PD-së. Asgjë nuk kam kërkuar dhe nuk kërkoj për veten time, as për partinë time, as për koalicionin politik. Nëse ka diçka që ne mund të ofrojmë, do ta jap që në minutën e parë. Por një gjë nuk e jap, kjo është garancia totale që çdo shqiptar, i djathtë apo i majtë, të ketë të drejtën të votojë i lirë, i pakërcënuar, i pashitur dhe i pablerë. Për këtë jemi ngritur në këtë betejë. Nga kjo varet fati i shqiptarëve”, u shpreh Basha.

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

9 Janar, 22:49