Basha-Mc Cormack: Kolegji mbylli
sytë për zgjedhjet në Korçë

TIRANE- Kreu i Partisë Demokratike, Lulzim Basha, ka vijuar akuzat ndaj Partisë Socialiste për blerjen të votave në Korçë. Në një dalje për mediat, pas përfundimit të takimit me delegacionin e ODIHR në Tiranë, Basha tha se “Kolegji Zgjedhor mbylli sytë për atë që ndodhi në Korçë, edhe pse qytetarët e panë më sytë e tyre blerjen e votës”.

Sipas kreut të PD, mazhoranca e re duhet të plotësojë KQZ dhe t’i japë fund bojkotit në këtë institucion.
 
“Edhe 4 muaj pas zgjedhjeve parlamentare shohim mazhorancën e re të dalë nga vota e 23 qershorit të bëjë deformimin e votës së qytetarëve nëpërmjet shitblerjes së votës, siç u duk në zgjedhjet e Korçës. Bojkoti institucional ndaj KQZ vazhdon dhe ky bojkot bëri të mundur, që edhe për çështjen e ndjeshme të blerjes së votave në Korçë, vendimarrja e Apelit të mos funksionojë. Kolegji Zgjedhor mbylli sytë përpara asaj që qytetarët patë më sytë e tyre. E informova zonjë Mc Cormack për gjithë këto zhvillime. Shprehim shqetësimin tonë të thellë për mosplotësimin e KQZ edhe në kushtet kur kemi të bëjmë me një mazhoranvë të re, që ka detyrime lijgjore për plotësimin e KQZ. Qeveria duhet të vejë para përgjegjësisë përgatitësit e sistëmit të blerjes së votës në Korçë”, tha Basha.
 
Ndërkaq, kreu i PD u ndal edhe tek realizimi i zgjedhjeve të 23 qeshorit, duke I quajtur ato të lira dhe të ndershme.

“Partia Demokratike është partia që organizoi më 23 qershor, zgjedhje që siç cilëson raporti i ODIHR ,tregonjnë një realizim të zgjedhjeve të lira dhe demokratike. Kjo u bë e mundur edhe në kushtet e bojkotimit të KQZ”, u shpreh Basha.  

Redaksia Online
(e.s/shqiptarja.com)

TAG:
• kqz