Ikja e infermierëve dhe mjekëve jashtë vendit, mungesa e kushteve për të zhvilluar studimet, tarifat e larta dhe mungesa e pagës gjatë specializimeve ishin disa nga shqetësimet që studentë të mjekësisë ndanë gjatë një takimi me kreun e Partisë Demokratike, Lulzim Basha. Basha premtoi më shumë lehtësira për studentët dhe shëndetësi, së paku në nivelin e vendeve të rajonit, ndërsa tha se Shëndetësia është shembulli më i dukshëm i 7 viteve dështim dhe premtimesh të rreme. Basha tha se pandemia nxori në hap më shumë se kurrë dështimin e Ramës, që sipas kryedemokratit po mundohet ta mbulojë me propagandë, ndërsa veprimet i ka me pikatore.
"Shëndetësia e Ramës, shëndetësi pa mjekë, pa infermierë. Spitalet nuk janë vetëm shtretërit. Mjekët dhe infermierët janë të pambrojtur dhe të braktisur. Karantina, muajt e verës u shpërdoruan nga qeveria. Mungojnë pajisjet mbrojtëse dhe pajisjet e trajtimit të pacientëve. Trajtimi ambulator deri para dy muajsh nuk kishte asnjë protokoll të unifikuar dhe çmimi i tyre ishte i papërballueshëm për familjet shqiptare. Prandaj dhe kërkuam rimbursim të plotë të kostove për pacientët me covid. Por qeveria dështoi dhe sot ka vetëm propagandë me ton dhe veprime me pikatore dhe kjo e ka sjellë situatën në parametra shumë të rënda", tha Basha.
Basha tha se Rama për 7 vite me radhë ka folur për shëndetësi falas, por në fakt ajo që është bërë, janë koncensionet korruptive. Ndërkohë që si zgjidhje kryedemokrati shikon ardhjen e tij në qeveri ku premton shpërblim për mjekët dhe infermierët duke e vendosur në të njëjtin nivel me atë të Kosovës, 1200 euro për mjekët dhe 700 euro për infermierët si dhe financim në të gjithë sistemin shëndetësor përmes parave të anuluara nga koncesionet që Basha i cilëson korruptive.
"Gjëja e parë që do të bëjmë ne është të stabilizojmë nivelin e shpërblimit për mjekët dhe për infermierët. Shqipëria i ka të gjitha mundësitë që të arrijë nivelet e Kosovës: 1200 euro për mjekët dhe 700 euro për infermierët. Ky nuk është çelësi magjik që zgjidh gjithçka, por të paktën e stabilizon situatën e të ardhurave që sot është e mjerueshme. E dyta, siç e thatë dhe vetë nuk ka të bëjë vetëm me rrogën, por ka të bëjë edhe me kushtet e punës. Mjeku më shumë se kushdo tjetër, ka përgjegjësinë më të madhe ndaj jetës , sepse puna e mjekut konsiston në shpëtimin e jetës. Në qoftë se i jep përgjegjësinë të shpëtojë jetën dhe nuk i jep mjetet për të shpëtuar jetë, atëherë edhe ajo rrogë, sado që t'ia bësh, nuk i kthehet në bekim por në mallkim. Dhe kjo do të thotë anulim i menjëhershëm i këtyre koncensioneve. Për ne, hapi i parë do të jetë anulimi i këtyre koncensioneve dhe financimi me urgjencë i gjithë sistemit shëndetësor, spitalet në të gjithë komponentët e tyre, por padiskutim edhe kujdesi për të forcuar , shëndoshur dhe sjellë në parametra të shërbimit dinjitoz edhe mjekun e familjes dhe të gjithë hallkat e tjera, duke përfshirë këtu farmaceutikën. Duhet një reformë e thellë. Ajo është ekzistenciale për shëndetin e qytetarëve dhe për të ndalur e më pas për të kthyer mbrapsht tendencën e mjekëve dhe studentëve të mjekësisë për t'u larguar nga Shqipëria dhe prakitkisht për ta zbrazur Shqipërinë nga njerëzit për të cilët ka nevojë për të shpëtuar jetë.
Prandaj programi ynë për shëndetësinë i jep një theks të veçantë pikërisht këtyre elementëve: Shpërblimit për mjekët dhe infermierët. Financimit të gjithë hallkave të sistemit shëndetësor dhe financimit për të mbajtur mjekët e ardhshëm, pra studentët, në vend dhe jo për t'u kthyer në një laborator ku prodhohen mjekë dhe infermierë për Gjermaninë, për Europë, ndërkohë që shqiptarët vuajnë krizën më të rëndë shëndetësore. Pas 7 vitesh premtime për shëndetësinë falas dhe dështime spektakolare, kolapsit të spitaleve, kolapsit të sistemit shëndetësor, ka ardhur koha t'i themi mjaft. Ka ardhur koha ta largojmë shkaktarin e kësaj situate dhe së bashku të reformojmë sistemin dhe t'i japim mundësi edhe mjekëve, edhe ju mjekëve të ardhshëm të bëni misionin tuaj që është; shpëtimi i jetëve të njerëzve”, - tha Basha.
Kreu i PD Lulzim Basha ka reaguar pas takimit me mjekët e ardhshëm që zhvilloi më parë ditën e sotme, duke shkruar se ata nuk duan të ikin nga Shqipëria, por sipas tij kolapsi i shëndetësisë po i përzë nga vendi.
"Mjekët e ardhshëm shqiptarë nuk duan të ikin nga Shqipëria, por kolapsi i shëndetësisë po i përzë", shkruan Basha.
Ndërkaq Basha ka hedhur akuza ndaj kryeministrit Edi Rama, duke thënë se sipas tij premtimi për shëndetësi falas rezultoi një mashtrim.
"Premtimi për shëndetësi falas rezultoi një mashtrim, një pabesi për shqiptarët. Spitalet kanë kolapsuar, mjekët nuk paguhen, nuk mbrohen, ilaçet janë të shtrenjta e të pasigurta", vijon më tej kreu demokrat.
Komente
Lajme të tjera
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
‘Propagandë me TikTok-un, por janë kokë e këmbë në EncroChat’, Basha: Më 11 maj të pastrojmë politikën nga të korruptuarit
24 Dhjetor, 12:35 -
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59 -
Festat e fundvitit, fëmijët dhe prindërit e skuadrës së kryeministrisë festojnë së bashku
24 Dhjetor, 08:19
O Lulzim Basha po hik mor burr mos u lodh kot se populli Shqiptar të njef mir aftësit e tua se kush ti je. Je i provuar e i dështuar me një fjal je kart e djegur. Me qëndrimin tënd në krye të partis Edi Rama gjithmon fiton e nga ty 100 vjet ron.
PërgjigjuO REPORT Tv pse si jepni komentet mor Zotrinj ? ? ? ? ? ?
Përgjigju