KRUJË - Qyteti i Krujës ka qenë ndalesa e radhës së kreut të Partisë Demokratike, Lulëzim Basha në vazhdën e takimeve të tij Elektorale.

I shoqëruar edhe nga kandidati i djathtë për Bashkinë e Krujës, Hamdi Pasha, kreu i PD-së u ka kërkuar qytetarëve të krujës të votojnë kandidatin e djathë pasi vota për të është votë që do të sjellë më shumë punësim dhe rroga e pensione më të larta.  

Basha ka akuzuar qeverinë se vetëm i ka varfëruar qytetarët dhe qëllimi i gjithçkaje që ata bëjnë është pasurimi i tyre dhe varfërimi i qytetarëve, sipas të cilit do të marë fund më 21 qershorë.

“Shumëfishuan varfërinë me taksa e gjoba, me lista të shtuara nga njerëz të cilët nuk kanë para të hanë bukë. Dinjitetin tuaj që e nëpërkëmbën këta horra që morën një pallat të tërë dhe e çuan në polici sepse nuk kishin para të paguanin energjinë. Më 21 qershorë ata nuk do të blejnë dot dinjitetin e qytetarëve sepse ai është në luftë me ta. Varfëria që kanë mbjell kudo kërkon punë dhe zgjedhje si ajo që sjell Hamdi Pasha dhe PD-ja", - tha Basha.
 
Ai ka përmëndur shifrat e publikuara nga instat, sipas së cilës shqipëria ka dyfish më të shtrenjtë çmimin e energjisë elektrike, krahasuar me shtetet e tjera të ballkanit.

“Këta që bredhin nëpër shqipëri dhe kërcënojnë qytetarët sepse e dinë se premtimet e tyre nuk pijnë më ujë. Sot instati u tha se energjia elektrike në shqipëri është dyfish më e shtrenjtë, është më e shtrenjta në ballkan. Nafta në Shqipëri është më e shtrenjta në Europë e në Ballkan. Ku janë paratë tuaja. Burxhi është shtuar me 7 milion dollarë kur erdhi dyshja Rama-Meta. Kanë shpunësuar dhjetra, mijra shqiptarë. Lekët e qytetarëve i kanë bërë kështjella dhe hotele. Ndaj i trembet llogaridhënies me ju, ndaj gënjejnë nga mëngjesi deri në darkë. Ne erdhëm këtu sepse këta i rritën taksat në kohë krizë çka solli mbylljen e qepenave nga biznesi, dyfishuan energjinë dhe pastaj u sulën si bisha tek njerëzit. U sulën këtu më Krujë dhe morën 15 familie dhe i çuan në Burg. Për deputetin që kishte mijra borxhe me energjinë elektrike nuk bënë asgjë, sepse kta kanë një slogan: Burgu për të varfrin dhe luksi për ta. Jo thonë jemi në drejtimin e duhur ndërkohë që sot i’ua tha ministria e brendshme Gjermane. 200 është diferenca midis numrit të azilkërkuesve i shqiptarëve me ata egjiptianë. Alarmante! Rruga e azilit dhe e humnerës nuk është rruga e duhur ndaj ne do ta ndalim këtë rrugë në 21 qershorë. Do ta ndalim edhe për të majtët sepse varfëria është ulur këmëkryq në vatrat e të gjithë qytetarëve të djathtë e të majtë. Oferta e tyre është më shumë taksa më shumë kërbaç. Kjo është fytyra e vërtëtë e qeverisë që vetëm vjedh dhe nuk bën asgjë. Oferta jonë është ulja e taksave, ulien 25% të çmimit të energjisë dhe falia e kamatëvonesave. Është oferta e ulies se çmimit të karburantit, është oferta e ulies së TVSh, e rritjes së rrogave dhe pensioneve, e rritjes së punësimit. Kjo është oferta e PD dhe e kandidatit tonë për Krujën, Hamdi Pashën”, - tha Basha

Redaksia Online
(o.b/ Shqiptarja.com)