Deputeti i partisë Demokratike, Edi Paloka ka thumbuar kryedemokratin Lulzim Basha i cili po zhvillon takime me ambasadorët e huaj në vendin tonë.

Me tone të fortë ironike Paloka shkruan duke iu drejtuar Bashës, se sikur të angazhohej kaq shumë sa për mbrojtjen e karriges së tij, edhe për të mbrojtur zgjedhjet apo denoncuar masakrën zgjedhore, të paktën do i kishte bërë një shërbim demokratëve.

“Seriozisht e ke që mendon se mund të qëndrosh në krye të demokratëve me ndihmën e policisë së Rames dhe ambasadorëve?!”, shkruan deputeti, duke i kujtuar edhe njëherë Bashës se demokratët e kanë shkarkuar, në Kuvendin e Sali Berishës në 11 dhjetor.

Paloka e ka “goditur” edhe në fund të shkrimit, duke thënë se po “lufton” për vulën sepse justifikimin për hambjen e radhës e ka gjetur “prapë fajin e ka Saliu”.

Pas tentativës së djeshme të Sali Berishës për të marrë selinë blu, ambasadorët kanë takuar kryedemokratit Lulzim Bashës. Grupi i ambasadorëve është kryesuar nga ambasadorja e SHBA-së, Yuri Kim, ai i BE-së, Luigi Soreca, ai italian Fabrizio Buci, gjermani Peter Zingraf dhe ambasadori francez.