Basha nxjerr videon: Berisha urdhëroi mercenarët që të godasin selinë e PD-së

Për Lulzim Bashën sulmin ndaj selisë se Partisë Demokratike e ka urdhëruar Sali Berisha. Kryetari i PD-së ka nxjerrë një video, ku sipas tij Berisha paralajmëroi, orkestroi dhe dirigjoi sulmin kundër PD.

'Sali Berisha e paralajmëroi, orkestroi dhe dirigjoi te gjithë sulmin e dhunshëm mbi selinë e PD në 8 janar. Ndonëse e dinte fare mirë që në seli ndodheshin deputetë dhe drejtues demokratë, ai nuk i kurseu urdhrat për mercenarët që të godisnin zyrat e partisë. Të gjithë e dinim që ai do të bëhej i dhunshëm. Dhuna ishte qëllimi i tij që nga fillimi.'- shkruan Basha.

 

Nuk dihet nëse policia dhe grupi i hetuesve i kanë marrë në shqyrtim pamjet ku Berisha shfaqet duke udhëzuar turmën, për t'i kërkuar më pas një sqarim. Mbështetësit e Berishës kishin shkuar dje në godinën e PD të përgatitur, ndërsa janë filmuar duke mbajtur në duar qese me pllaka guri.

Ndërkohë 34 persona janë arrestuar dhe 18 të tjerë janë nën hetim në gjendje të lirë për ngjarjet e ndodhura dje në Selinë e Partisë Demokratike. Policia njoftoi se personat e arrestuar akuzohen për "Organizim dhe pjesëmarrja në grumbullime e manifestime të paligjshme", "Prishja e qetësisë publike", "Pengimi i qarkullimit të mjeteve të transportit", "Shkatërrimi i pronës" dhe "Prodhimi, mbajtja, blerja apo shitja pa leje e armëve të ftohta".

Rendit zhvillimet sipas orarit:
Ora 18:35
Berisha në vendin e krimit, Alibeaj: Dështoi që bashkë me Ramën të nxjerrë arkivole nga PD

Nënkryetari i Partisë Demokratike, Enkelejd Alibeaj thotë se Sali Berisha dështoi që bashkë me Edi Ramën të nxjerrë arkivolë nga selia e PD-së. Alibeaj shkruan në një postim në rrjetet sociale se Sali Berisha u rikthye në vendin e krimit dhe siç ka bërë gjithë jetën e tij vazhdon të gënjejë dhe të nxisë dhunë.

“Sali Berisha u kthye në vendin e krimit. Ai sot siç ka bërë gjatë gjithë jetës së tij vazhdoi të gënjejë dhe të nxisë dhunën, tashmë kundër demokratëve. Halli i Sali Berishes sa vjen dhe rritet e bashkë me të rritet edhe gjuha e dhunës dhe e urrejtjes. Dje ai dështoi bashkë me Edi Ramën që të nxjerrë arkivole nga PD, ndërsa sot vjen vërdallë si kufomë politike për të mashtruar dhe zgjatur sado pak agoninë e tij” shkruan Alibeaj.

Kujtojmë se Garda e Republikës mori në mbrojtje dje deputetin Enkelejd Alibeajn, pas një deklaratë tronditëse të ish-deputetit Spartak Braho, i cili tha se në protestën e opozitës do të vritet një deputet me  iniciale E.A.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mala: 10/01/2022 08:55

    Berishes pasi i deshtoi kallja dhe shkaterrimi total i selise se PD dhe zgjerimi i parasikuar edhe ne Kryeqevei e tutje, shpali HEROJT e Demkracise,Heroj Çekiqi,Heroj Shkalla,Heroi qyskija, heroij Molotovi,Heroi Gazi lot sjelles e te tjer e me grada me te uleta.

    Përgjigju
  • Fshati: 10/01/2022 08:52

    Keta akuza kunder Berishes, te kujtojne akuzat kunder drejtuesve komuniste. Kriminelet komuniste akuzoheshin se kishin pire shume kafe, ilaçe dhe pare shume televizor.

    Përgjigju
  • Sondazhi i ditës:

    Presidenti i ri duhet të jetë i PS apo i opozitës?



×

Lajmi i fundit

John

Jupi në 'Pa Protokoll': Gara e 'Rithemelimit' e njëanëshme! Bushati: Ka mbështetjen e bazës! Lumezi: Demokratët të bashkohen pa Bashën e Berishën