POP 5

Lajmet më të lexuara të 5 minutave të fundit

Politikë

Basha:Pranoje 'McAllister plus'
Rama: Mos fol në emër të SHBA
20 pikat e Paketës 'McAllister+' sipas opozitës

Prej dy ditësh maxhoranca dhe opozita janë futur në një proces të ri negociatash. Kur duket se palët janë dakordësuar për paketën McAllister+, ajo që i ndan është data e zgjedhjeve. Opozita iniston për 16 korrikun, ndërsa për shumicën nuk ka datë tjetër përveç 18 qershorit.  VIDEO
ANALIZA/ Pse është e pamundur që zgjedhjet të shtyhen në shtator
​Vasili: Paketa McAllister duhet të zbatohet, boll me këtë teatër
Bylykbashi: Pse zgjedhjet mund të mbahen mes 15 shtator-30 nëntor
Ngërçi, PDIU: Palët t'i rikthehen dialogut, të pranohet "McAllister"
Berisha: Rama kundër Vettingut! Fjalën  t'a marrë Revolucioni
Mesila Doda, Ramës e Bashës: Burra si kalamaj, na e shpifët!
TIRANE- Prej dy ditësh maxhoranca dhe opozita janë futur në një proces të ri negociatash, për të gjetur një zgjidhje për të dalë nga ngërçi politik.

Edhe pse negociatat kanë qenë intensive dy ditët e fundit, pas vizitës në Tiranë të zv/ndihmës sekretarit të SHBA, Hoyt Brian Yee, zyrtarisht palët ndahen lidhur me datën e zgjedhjeve parlamentare. 

Opozita zbardhi sot hapat e negociatave të ditës se djeshme me pikat ku e djathta bie dakord me paketën "McAllister plus propozimet e Ramës", duke theksuar se është maxhoranca dhe vetë kreu i qeverisë Rama ai që i refuzon.

Po sot koalicioni opozitar zbardhi edhe Paketen Mc Allister+ që ua propozoi ZëvendësNdihmës sekretari amerikan i shtetit, Hoyt Brian Yee. Paketa Mc Allister + është një paketë ku shkrihen propozimet e paketës së mëparshme të Mc Allister por të ndërfutura dhe propozimet e Ramës në tryezën e dialogut tek Presidenti.

Në deklaratë vihet re se e djathta është tërhequr nga votimi elektronik dhe kushtet për Vettingun, dhe zhvillimi i zgjedhjeve ne Vjeshte dhe afrimin e tyre në 16 korrik, siç edhe është parashikuar në paketën e zv/Presidentit të PPE.

Opozita i qëndron paketës McAllister+, ndërsa thekson se një marrëveshje me maxhorancën do ta rikthente atë në Kuvend për votimin e komisioneve të Vettingut.  

Opozita thekson se fjala i mbetet kryeministrit Edi Rama për të vulosur marrëveshjen. 

Ndërkohë, pas kësaj deklarate të opozitës, i menjëhershëm ishte reagimi i Partisë Socialiste qe thekson se nuk bëhet pjesë e pazareve, ndërsa paralajmëron se data e zgjedhjeve, 18 qershori, mbetet i pandryshuar. 

Por pas një takimi 2 orë me ambasadorin Lu, kryedemokrati Lulzim Basha i nisi një letër kryeministrit Edi Rama ku i kërkon që të pranojë edhe ai paketën e propozimeve të SHBA dhe BE. 

Në përgjigje të letrës që Basha i nisi para 50 minutash, Rama reagoi ne Twitter dhe i kërkoi Bashës që të mos flasë në emër të SHBA dhe të mos fshihet pas McAllister, por të fokusohet tek oferta që ke në tryezë.

Mbetet e paqartë se si do të vijohet me negociatat në kushtet kur është arritur dakordësimi i pjesës dërrmuese të paketës, përveç "mollës së sherrit", datës së zgjedhjeve. 

PS: Ja përse nuk mund të ketë zgjedhje pas 30 qershorit
Zgjedhje jo përtej 30 qershorit, kjo është oferta që ndodhet në tryezën e Lulzim Bashës.
 
Burime nga maxhoranca konfirmojnë se PS nuk e quan kushtetuese një shtyrje të zgjedhjeve përtej këtij muaji.
 
Maxhoranca rrëzon në këtë mënyrë kategorikisht cdo datë të mundshme në korrik apo shtator, variante këto të opozitës.
 
Ndërkaq kjo e fundit duket se është tërhequr nga varianti i zhvillimit të zgjedhjeve në shtator , duke arritur në propozimin e David mcalister që zgjedhjet të mbahen në 16 korrik.
 
Datë kjo që refuzohet nga të majtët. Ndërkohë depuetët juristë të partisë Socialiste sqarojnë se sipas Kodit Zgjedhor zgjedhjet nuk lejohet nga data 30 qershor-15 shtator, neni 83 i kodit nuk lejon ndryshimin e këtij ligji me procedure te përshpejtuar, ndërsa normalisht cdo ndërhyrje nuk mund të bëhet pa kaluar 1 muaj.
 
Po sipas kodit zgjedhor, ndalohen ndërhyrjet në këtë ligj 2 muaj para zgjedhjeve. Juristët e PS sqarojnë gjithashtu përse refuzohet muaji shtator si datë e mundshme për zgjedhjet.
 
Sipas tyre nuk mund te shtyhet mandati i parlamentit tej datës 9 shtator.



Ngërçi politik, zhvillimet nga negociatat mes palëve

Ora 15:50 Rama-Bashës: Mos fol në emër të SHBA dhe mos u fshih pas 'McAllister'
Kryeministri Edi Rama ka reaguar për herë të parë pas nisjes së negociatave me ndërmjetësimin e SHBA dhe deklaratës së Lulzim Bashës për të pranuar paketën 'McAllister+'.
Në përgjigje të letrës që Basha i nisi para 50 minutash, Rama reagon ne Twitter dhe i kërkon Bashës që të mos flasë në emër të SHBA dhe të mos fshihet pas McAllister, por të fokusohet tek oferta që ke në tryezë.
 
"@lulzimbasha_al mos fol në emër të SHBA se flasin vetë! Lëri letrat publike,mos u fshih pas McAllister, fokusohu tek oferta që ke në tryezë" shkruan Rama.

Ora 15:30 Mbyllet takimi i Lu me Ramen ne kryeministri

Ora 15:10 Basha letër Ramës: Pranoje dhe ti paketën "McAllister +"
Pas takimit 2 ore me ambasadorin amerikan Donald Lu, kryetari i PD i nis nje leter zyrtare kryeministrit Rama. Ne leter, kryedemokrati Lulzim Basha i kërkoi sot publikisht kryeministrit Edi Rama që të pranojë edhe ai paketën me propozimet e paketës McAllister plus, për zgjidhjen e ngërçit politik.  
letra e bashes
(Letra e Bashës drejtuar Ramës)

"Z Rama,

Në emër të opozitës ju informoj se prej ditës së djeshme në ora 12:00 opozita ka pranuar pa kushte propozimin e integruar të prezantuar si zgjidhje për krizën politike nga Ndihmës ZëvëndësSekretari Shtetit, Hoyt Yee.

Duke konfirmuar pranimin e plotë të propozimit të integruar, ju bëjmë thirrje që dhe ju të konfirmoni publikisht pranimin pa kushte të propozimit të SHBA, për t'i hapur rrugë zbatimit të kësaj pakete me qëllim garantimin e kushteve për një proces zgjedhohr të lirë dhe të ndershëm për qytetarët shqiptarë. 

Duke shprehur bindjen se propozimi i SHBA përbën rrugën e duhur për zgjidhjen e krizës, konfirmoj gatishmërinë e opozitës për implementimin e plotë të saj, pa asnjë vonesë", thuhet në letrën e Bashës drejtuar Ramës.

Ora 15:00 Lu pas 2 ore takim te Basha, shkon te Rama ne kryeministri

Ora 14:20 Berisha: Rama kundër Vettingut! Fjalën t'a marrë Revolucioni
Edhe pse negociatat mes të majtës e së djathtës për arritjen e një marrëveshje për të dalë nga ngërci politkk, ish-kryeminstri Sali Berisha bën deklarata me thirrje për revolucion. 

Sipas Berishës, Rama duke refuzuar propozimet e ndërkombëtareve, nxorri hapur mashtrimin, tha ai, që i bën popullit mbi Vettingun. Me tej ish-kryeministri shprehet se me kete refuzim, Edi Rama deshmon se ai perben nje rrezik kombetar absolut per Shqiperine dhe shqiptaret.

Në këtë pikë Berisha bën thirrje për revolucion.
 
“Ju bej thirrje te gjithe qytetareve shqiptar, ne veçanti te gjithe atyre qe besuan mashtrimin e Rames, se opozita nga frika nuk e voton vettingun, te bashkohen me revolucionin demokratik per t'a hedhur Edi Ramen, kete fantazme te Enver Hoxhes qe do me çdo çmim te varrose pluralizmin ne Shqiperi, ne koshin e plehrave te eterve te tij mizore”.

Ora 14:10 PDIU: Palët t'i rikthehen dialogut, të pranohet "McAllister"
PDIU i bën thirrje forcave politike që të rikthehen në tryezën e dialogut dhe të pranojnë paketën e zv/presidentit të PPE, David McAllister. 

"Partia Drejtësi, Integrim dhe Unitet i bën thirrje forcave kryesore politike që të marrin përgjegjësinë para qytetarëve të Shqipërisë dhe partnerëve tanë dhe të zgjidhin krizën politike sa më parë.

Prandaj ne u bëjmë thirrje palëve që të rikthehen në tavolinën e bisedimeve dhe të rimarrë në shqyrtim seriozisht paketën e propozuar prej eurodeputetit gjerman David Mc Allister dhe mbeshtetur nga SHBA si bazë të një marrëveshje për  zgjidhjen e krizës politike ne vend.

Është e papranueshme që vendi ynë anëtar i NATO-s dhe kandidat për t’u anëtarësuar në Bashkimin Evropian, të zhytet në një spirale të tillë konfliktuale duke e njollosur rëndë reputacionin tonë ndërkombëtar dhe kërcënuar pluralizmin dhe demokracinë në vend. 

Mungesa e një marrëveshje rrezikon ta thellojë edhe më tutje krizën e rëndë politike që ka kapur vendin, rrezikon cilësinë e zgjedhjeve parlamentare të ardhshme dhe stabilitetin e vendit.  

Tanimë është një domosdoshmëri e pashmangshme bërja e një Pakti Kombëtar midis mazhorancës dhe opozitës për ta nxjerrë vendin nga kriza dhe për të hedhur themele të shëndosha për stabilitetin politik të vendit. Pjesë e këtij kompromisi të gjerë politik duhet të jetë angazhimi i të gjitha forcave politike për të zhbllokuar dhe përshpejtuar procesin e integrimit evropian duke ndërmarrë një orë e më parë reformën në drejtësi.

Në rrugëtimin drejt anëtarësimit në Bashkimit Evropian ne duhet të tregojmë maksimumin e përgjegjësisë patriotike e nuk duhet ta lëmë vendin peng të mllefeve e hatërmbetjeve të liderëve  të ndryshëm politik.

Gjithashtu, për t’i paraprirë situatave të tilla të ngjashme në të ardhmen,  ne duhet të ndërmarrim një reformë të re elektorale nëpërmjet një procesi transparent gjithpërfshirës që vë interesat e atdheut përpara interesave të partive specifike".

Ora 13:30 PS: S'bëjmë pazare, hiqni dorë nga shantazhet
Partia Socialiste i është përgjigjur përmes një deklarate akuzave të opozitës se maxhoranca refuzoi paketën McAllister plus. 

PS thotë në këtë deklaratë se askush nuk mund të dalë mbi rregullat demokratike, ndërsa i kërkon opozitës që të heqw dorw nga shantazhet e rrugës. 

"Angazhimi ne keto perpjekje edhe i partnereve strategjike amerikane, pas ezaurimit te te gjitha perpjekjeve te miqve e partnereve europiane te Shqiperise (dhe te vete Partise Demokratike), eshte mirepritur dhe konsiderohet prej nesh si mundesia e fundit per Partine Demokratike per te hequr dore nga shantazhet e rruges dhe per t'u kthyer ne rrugen e gares demokratike.

Rregullat e bashkejeteses demokratike, nuk vlejne vetem per qytetaret po edhe per partite politike. Asnje parti politike dhe as te gjitha partite politike se bashku, nuk mund te pretendojne as te dalin mbi keto rregulla, e as te bejne pazare me keto rregulla", thuhet në deklaratën e PS.
 
Filozofia e Partise Socialiste, e misheruar ne programin e ne betejen e perditshme te qeverise sone per te bere shtet, nuk perjashton askend dhe per asnje arsye. Rregullat e bashkejeteses demokratike, nuk vlejne vetem per qytetaret po edhe per partite politike. Asnje parti politike dhe as te gjitha partite politike se bashku, nuk mund te pretendojne as te dalin mbi keto rregulla, e as te bejne pazare me keto rregulla. Perkundrazi, Partia Socialiste beson, se duhet te jete forca e shembullit ne perpjekjen per te bere shtet dhe jo shembulli i forces qe thyen rregullat qe asnje qytetari nuk i lejohet te thyeje.
Shqiperia Europiane per Partine Socialiste nuk eshte sllogan, po nje shtet dinjitoz, ku askush nuk eshte mbi Kushtetuten dhe ligjin".

Ora 13:00 Ambasadori Donald Lu takim urgjent me Bashën
Ambasadori amerikan në Tiranë, Donald Lu, ka mbërritur në këto momente në selinë e PD, ku do të zhvillojë një takim me kryetarin e PD, Lulzim Basha. 

Takimi i Bashës me Lu vjen pas deklaratës së koalicionit opozitar se kanë pranuar paketën McAllister plus si dhe publikuan 20 pikat e dakordësuara në këtë ofertë e cila u ndërmjetësua nga zv/ndihmës sekretari amerikan i shtetit, Hoyt Brian Yee. 

Negociatat mes palëve vijojnë për zgjidhjen e ngërçit politik, ndërkohë që ajo e cila ndan sot maxhorancën dhe opozitën është data e zgjedhjeve.

Shumica parlamentare insiston për respektimin e datës 18 qershor, ndërsa sot burime pranë PS-së thanë për Shqiptarja.com se Rama ka toleruar mbajtjen e zgjedhjeve deri në fund të Qershorit, duke përjashtuar kështu muajin Korrik. 

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Tiranë/ Mbante armë zjarri pa leje në mobilerinë e tij, arestohet 51-vjeçari

Tiranë/ Mbante armë zjarri pa leje në mobilerinë e tij, arestohet 51-vjeçari

10 Janar, 09:53