Supë e ringrohur”? ndoshta jo, por Lulzim Basha ka rikthyer fuqishëm ditët e fundit një sllogan të vjetër që kujton Partinë Demokratike të vitit 2005. “Është koha për ndryshim”-refreni i Bashës në postimet e tij kryesisht në twitter që merren edhe si logjikë e qëndrimit më shumë individual sesa të stafit që e mirëmban rrjetin social.
Përveçse një këngë e porositur për fushatë, e që u kthye në hit nga grupi legjendar shqiptar “Elita 5”, “Koha për Ndryshim” është slogani i Partisë Demokratike në zgjedhjet e vitit 2005.
Kur Sali Berisha u bë kryeministër pasi në vitin 1997 kishte dhënë dorëheqjen si President. Pasojë e një viti ku pasi e çoi vendin në anarki, përplasje sociale e ardhje në vend të trupave ndërkombëtare me vendim të Këshillit të Sigurimit të OKB-së e në fund humbi zgjedhjet parlamentare, një vit pasi kishte fituar gjithçka.
Ka dy versione të analizimit të këtij slogani: ose vërtetë do të kthehet tek ajo kohë që shumë demokratë e quajnë “të lavdishme” ose vërtet fantazia dhe idetë në PD janë të mangëta.
Tek e para, mund të thuhet se nuk ka asnjë gjë të keqe nëse kthen një aksiomë politike të së kaluarës që ka qenë e rëndësishme dhe aktuale sot. Donald Trump, edhe pse është miliarder dhe ka mundësi të besojë këdo nga njerëzit që prodhojnë slogane PR, zgjodhi parullën e Ronald Reganit pas 35 vjetësh “Make Amerika great Again” nuk ishte një kopjim i thjeshtë por një rizgjim, apo identifikim me modelin e Ronald Reganit.
Trump, në fakt nuk e fshehu asnjëherë që donte të bënte remake të presidentit më popullor të republikanëve pas skandalit të Niksonit.
E në rastin tonë, kemi motamo një remake të Lulzim Bashës në modelin e Sali Berishës së 2005-s. Sepse kështu i bie. OK, këtë e pëlqejnë shumë demokratë të zjarrtë, që Berishën e kanë idol politik. Por a ishte Sali Berisha një “Regan” që “Trumpi”-Lulzim t’i marrë slloganin që të ndryshojë kohën?
Eh, këtu është debati i madh, por jo i vetmi, pasi përveç këtij komponenti mund të thuhet a është ajo PD që ka qenë në 2005?
Thjesht për kujtesë: në atë kohë Sali Berisha mblodhi në PD të gjitha partitë që kishin dalë nga kjo parti. Të gjitha: pashkon, Rulin, Imamin, Pollon, Shehu, etj etj. Përveç kësaj formoi KOP-in ku publikoi për njerëzit një numër të madh intelektualësh nga shoqëria civile. Mori në PD gati gjysmën e partisë së Skënder Gjinushit, që kishte pasur dikur edhe 21 deputetë me Dhori Kulen të parin që e bëri anëtar kryesor të PD-së. Pra Berisha arriti një koalicion të madh politik të brendshëm.
Ndërkaq, në atë kohë, Ilir Meta sapo i shkëputur nga PS, formoi LSI-në që i shkaktoi dhumbje ish-partisë së tij kudo që kandidoi emra të rëndësishëm të ish-PS-së.
Në 2005, edhe pse nuk i dhanë mazhorancën absolute, ngaqë atë e arriti me Lufter Xhuvelin, Sali Berisha, gjithsesi e mori besimin elektoral edhe njëherë të “nusërojë”. Por sot, nuk është në lojë Sali Berisha i para 2005-s, por ai i pas kësaj kohe, shkoqur i Gërdecit dhe 21 Janarit.
Disa militantë të PD-së do të thonë natyrisht edhe i anëtarësimit në NATO, edhe i liberalizimit të vizave, edhe i Rrugës së Kombit, etj. Po, natyrisht por në 2013, “Koha për Ndryshim” i humbi zgjedhjet për Gërdecin dhe 21 Janarin, pasi nëse njerëzit do të mendonin se Saliu ju hoqi vizat e i futi në NATO, natyrisht që do t’i kishin dhënë mandatin e tretë.
Shqiptarët nuk e konsiderojnë Sali Berishën si Ronald Regani, e as Bashën si Trump, ndaj nuk e kuptojnë as pse kopjon këtë model./ Shqip
Komente
Lajme të tjera
-
'Në rrugën drejt Shqipërisë 2030!' Turi me diasporën, Rama sot takim me shqiptarët e Londrës: Gati shqipe
24 Nëntor, 07:10 -
Kreshnik Spahiu: Pse Strasburgu po e zhgënjen shumë keq Partinë Demokratike?
23 Nëntor, 23:55
-
Protestat kundër Izraelit dhe NATO-s në Montreal, kryeministri Trudeau dënon dhunën
23 Nëntor, 22:08 -
Ylli Pata: E marta e kiametit...
23 Nëntor, 19:52
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Kryediplomati i ardhshëm amerikan, Marco Rubio dhe politika e jashtme
23 Nëntor, 18:05 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08
Dakort more zoteri , koha eshte tamam per ndryshim , keq ndoshta per ju , por pushtetet duhen ndryshuar , sipas rregullave te lojes qe kane vendosur , demokracia perendimore . Tash duhet te falnderojme qeverisien aktuale , per ato qe beri , por edhe per ato qe s'mundi te bente . Megjithate edhe ky 8 vjecar ishte nje eksperience me vler per qeverisiet , megjithe mosarritiet , sipas kerkesave te popullit , por edhe sipas premtimeve te qeverise . Vlera e partiakeve , por edhe e popullit eshte e miaftushme per nje zhvillim te qet te qytetruar dhe te mencur te zhvillimit te zgjedhieve te qeta e te pasterta . Ti zoteri Pata , sigurisht , ose dicka me vlera humbet , ose dikush qe te rri mbi koke te shterngon darin , dhe pervec atyre qe thua , lut edhe zotin qe te mos ket ndryshim politik ne qeverisie . Mir kjo eshte e drejta juaj ; Por e drejta e popullit , qe shumuca jane pa pune , apo paguhet , nga 10 mije tek pensionistet , ne 20 mije te punetoret , keta edhe pa sigurime ; Mos duhet te vuajne keshtu , vetem se don ti dhe shoket e tu .
PërgjigjuBasha dhe Berisha do kthejne kembet perpjete e jo slloganin padyshim edhe Mona do o kthej
PërgjigjuBole Berisha, bolekandari Basha ....
Përgjigju... Po ket temin nuk e ndryshuan.
PërgjigjuBerisha kriminel . basha qerrohu!!