POP 5

Lajmet më të lexuara të 5 minutave të fundit

Politikë

Basha shmang reformën
territoriale, flet për Tatimet

Kreu i Partisë Demokratike Lulzim Basha duket se po i shmanget thirrjeve të vazhdueshme të ndërkombëtarëve dhe partive parlamentare të cilat janë në mazhorancë për të bashkëpunuar në reformën territoriale.
TIRANE- Kreu i Partisë Demokratike Lulzim Basha duket se po i shmanget thirrjeve të vazhdueshme të ndërkombëtarëve dhe partive parlamentare të cilat janë në mazhorancë për të bashkëpunuar në reformën territoriale. Gjatë mbledhjes së djeshme të grupit parlamentar demokrat Basha nuk e përmendi fare çështjen e reformës administrative duke e fokusuar të gjihtë fjalën e tij tek çështja e serverave të “Tatimeve”. Sipas Bashës ne Drejtorinë e Përgjithshem të Taimeve është bërë një akt kriminal i cili duhet të hetohet sa më parë.

“Ky skandal ngre pikëpyetje e dyshime të rënda për qëllimet e kryerjes që duhet të zbardhen patjetër, por akoma më tej, është një skandal që ngërthen raportin e shprishur të dyshes Rama e Meta me sundimin e ligjit, që duan ta zëvendësojnë me çdo kusht me sundimin e tyre, me vijimësinë e shtetit nga një qeveri në tjetrën si parim i qëndrueshmërisë, parim i cili për ditë, javë, muaj është provuar se po injorohet me mendësi të vjetër e të rrezikshme, që sjell në vëmendjen e njerëzve zakonet e kaçakëve dhe mafias”,- theksoi Basha. Në vijim të fjalës së tij, kreu i demokratëve pohoi se PD do të çoj në Gjykatën Kushtetuese qeverinë për shkeljet që janë bërë në Policinë e Shtetit.

“Duam të njoftojmë opinionin publik se gjatë kësaj jave Grupi Parlamentar i Partisë Demokratike do të depozitojë në Kuvend kërkesën për ngritjen e një komisioni hetimor për shkeljen e legjislacionit dhe zbatimin e tij për çështje të rendit dhe sigurisë publike në dritën e shkarkimeve, transferimeve, veprimeve të paligjshme në kuadër të policisë së Shtetit dhe efektet që kjo ka për rendin dhe sigurinë e qytetarëve shqiptarë”,- tha kryetari i PD-së.

Plotësimi i Mandateve
Komisioni Qendror i Zgjedhjeve do t’i jap sot mandatin e deputetit Arben Ndokës të Partisë Socialiste në qarkun e Lezhës dhe Bujar Derventi të LSI-së në qarkun e Durrësit. Vendimi i KQZ-së vjen pas vakancës së krijuar nga dorëzimi i mandatit të Kodhelit dhe Kokës.
Berisha: Fyle filoserb
Ish-kryeministri i vendit Sali Berisha theksoi në një editorial në “facebook” se ai ishte kundër bashkimi të 6 shteteve të Ballkanit Perëndimorë pasi sipas tij, Shqipëria duhet ti ketë sytë nga Brukseli. Ai pohoi se kjo nsimë është mbështetur nga Komisioneri Fyle për shkak se ai është filoserb.


Shkrimi u publikua sot (28.01.2014) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Francë/ Përplasen rëndë dy tramvaje në Strasburg, 30 të plagosur (VIDEO)

Francë/ Përplasen rëndë dy tramvaje në Strasburg, 30 të plagosur (VIDEO)

11 Janar, 16:44