Basha shmang përgjigjet për Dick Marty, Rama: Sjellje mizerabël! Ke hetuar vendmbajtjet e robërve në veri të Shqipërisë, thuaj të vërtetën

Kreu demokrat Lulzim Basha edhe këtë mëngjes ka vendosur që tu shmanget pyetjeve të kryeministrit Edi Rama për raportin e Dick Marty, duke zgjedhur ta sulmojë atë me situatën e Covid.

Sipas Bashës spitalet e Covid janë në kolaps dhe Rama sipas tij nuk ka asnjë plan për ta marrë situatën në dorë. Por përgjigjia e kryeministrit Edi Rama, ka qenë e ashpër pasi ky i fundit e ka quajtur përpjekje të ulët të Bashës për ta bërë Covidin pjesë të frontit opozitar. Teksa ka cituar Human Right, Rama thotë se Basha ka punuar për Tribunalin dhe Departamentin e Drejtësisë së UNMIK pas luftës dhe ka hetuar personalisht vendmbajtjet e robërve në veri të Shqipërisë.

"Dje kishim mbi 500 raste të reja të raportuara të koronavirusit në Shqipëri, numri rekord më i lartë që nga fillimi i pandemisë. Çfarë bën Rama? Asgjë! Ai nuk ka asnjë plan. Spitalet janë në kolaps, të sëmurët dergjen në ambulanca.

Rama ju merr shqiptarëve lekët e taksave, dhe në vend që ti investojë në shëndetësi, jua jep miqve të vet. Pasi shkatërroi ekonominë, Rama po shkatërron jetët dhe shëndetin e njerëzve. Ai duhet të largohet. Bashkë do ti fitojmë zgjedhjet, do ta ngremë ekonominë dhe do të sigurojmë ndihmë për çdo familje", shkruan Basha.

Rendit zhvillimet sipas orarit:
Ora 12:48
Balla publikon dokumentin e 'Human Right': PD sot drejtohet nga një hetues i UÇK! Komandantët të mbajnë mend mirë

Sekretari i Përgjithshëm i Partisë Socialiste, Taulant Balla ka publikuar dokumentin e "Human Right" ku shkruan se kryedemokrati Lulzim Basha ka punuar " për Tribunalin dhe Departamentin e Drejtësisë së UNMIK pas luftës dhe ka hetuar personalisht vendmbajtjet e robërve në veri të Shqipërisë". 

Balla thotë se komandantët e UÇK duhet të mbajnë mend mirë se Basha largoi të gjithë shqiptarët e Kosovës nga grupi hetimor për të qenë i vetëm. Ai gjithashtu ka përmendur me iniciale dy prej shqiptarëve që kreu i PD-së largoi.

"Partia Demokratike e Shqipërisë sot drejtohet nga një hetues i UÇK! Ne e dimë që Lulezim Basha nuk ka këllqe të zbardhë rolin e tij në palo-raportet që paraprinë Raportin e Dick Marty-t, kur me maskë mbi fytyrë merrte në pyetje komandantët e UÇK. Komandantët e UÇK të mbajnë mend mirë Lulezim edhe pse ti fshiheshe pas maskës dhe largove të gjithë shqiptarët e Kosovës nga grupi hetimor për të qenë i vetëm. Është fakt publik që Lulezim Basha ka larguar shqiptarë të Kosovës si A.P., B.Gj. dhe të tjerë nga hetimi. Siç shkruan HRW, "Lulezim Basha ka punuar për Tribunalin dhe Departamentin e Drejtësisë së UNMIK pas luftës dhe ka hetuar personalisht vendmbajtjet e robërve në veri të Shqipërisë”", shkruan Balla.

Ora 11:07
Rama- Bashës: Me shmangien e përgjigjes për kontributin tënd në raportin e Dick Marty, e pranon më shumë! Dil sqaro popullin

Kryeministri Edi Rama dhe kreu demokra Lulzim Basha po luajnë si macja me miun! Rama nuk i ndahet dhe i bën thirrje kreut demokrat të dalë të flasë për kontributin që ka pasur në raportin e Dick Marty, pasi sipas tij sa më shumë i shmanget kësaj pyetje ai e pranon aq më shumë përfshirjen.

"Lulëzim sa më shumë i shmangesh përgjigjes për kontributin tënd në raportin e Dick Marty,aq më shumë e pranon faktin e tmerrshëm se je pjesë e asaj loje të ulët për njollosjen e UÇK,ndërkohë që unë nuk dua ta besoj këtë dhe të bëj thirrje të dalësh e ta sqarosh popullin shqiptar!

Sharjet e akuzat qesharake për mua si fajtor pse në Shqipëri numrat e të infektuarve po rriten si kudo, s'të mbrojnë dot nga kjo hije e të kaluarës që këto ditë të rênda për Kosovën, vetëm zmadhohet e rëndohet nga bishtnimi yt! Dil sqaro rolin tënd në atë raport të turpshëm", shkruan Rama.

Ora 10:59
Basha i kthehet Ramës: Po të shkulej nga Instagrami, do ta shihte sa e rëndë është gjendja

Kreu demokrat Lulzim Basha i përgjigjet kryeministrit Edi Rama, ku shkruan se ndonëse Shqipëria është në kulmin e infektimit, Rama është mbërthyer pas Instagramit.

 Këtu vijon akuzat duke thënë se të sëmurët familjet dhe mjekët i ka braktisur pa asnjë ndiihmë.

"Rama vazhdon cicërimat në vend që të bëjë detyrën. Shqipëria është në kulmin e infektimit ndërsa Rama është mbërthyer pas Instagramit.

Po të shkulej nga Instagrami, do ta shihte sa e rëndë është gjendja. Të sëmurët, familjet dhe mjekët i ka braktisur pa asnjë ndiihmë. Rama shkatërroi ekonominë dhe tani po shkatërron jetët dhe shëndetin e njerëzve. Edhe sa shqiptarë duhet të humbin jetën për fajin e tij?", shkruan Basha.

Ora 10:30
Basha i shmanget por Rama i vë 'gishtin në plagë': S'kalohet me sharje kjo historia e të kaluarës tënde si hetues i UÇK!  Ke hetuar vendmbajtjet e robërve në veri të Shqipërisë

Kryeministri Edi Rama nuk i ndahet kreut demokrat Lulzim Basha, pasi sot teksa ka cituar Human Right, thotë se Basha ka punuar për Tribunalin dhe Departamentin e Drejtësisë së UNMIK pas luftës dhe ka hetuar personalisht vendmbajtjet e robërve në veri të Shqipërisë.

"Lulëzim nuk kalohet me sharje kjo historia e të kaluarës tënde si hetues i UÇK! Dil sqaro popullin!
"Lulzim Basha ka punuar për Tribunalin dhe Departamentin e Drejtësisë së UNMIK pas luftës dhe ka hetuar personalisht vendmbajtjet e robërve në veri të Shqipërisë"
Human Right Watch", shkruan Rama.

Ora 10:02
Rama i ashpër me Bashën: E ulët përpjekja jote për të bërë Covidin pjesë të frontit qesharak opozitar! Sjellje prej kalamai të llastuar që do me çdo kusht lodrën e vet

Kryeministri Edi Rama i përgjigjet kreut demokrat Lulzim Basha pasi ky i fundit e ka nisur ditën duke e akuzar për keqmenaxhim të situatës së Covid.

Rama i thotë se është e kotë edhe e ulët rrekja e tij për ta bërë Covidin pjesë të frontit opozitar.

"Lulëzim është jo vetëm e kotë po edhe e ulët rrekja jote për ta bërë Covidin pjesë të frontit qesharak opozitar!Kjo luftë është e vështirë për çdo shtet, s'ka si të jetë e lehtë për Shqipërinë,por spitalet Covid nuk janë aspak në kolaps siç predikon ti dhe lufta vazhdon papushim!

Ti synon panikun dhe çoroditjen me dizinformimet e përditshme, por kjo sjellje mizerabël prej kalamai të llastuar që do me çdo kusht lodrën e vet, do të të kthehet mbrapsht si një shuplakë më shumë nga ky popull që nuk e bën dot për budalla, as ti,as Mona,as Likja e as Saliu", shkruan Rama.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 10/11/2020 01:17

    N.q.s. UCK ka shkelur rregullat nderkombetare te luftes dhe te trajtimit te roberve,atehere duhet te jape shpjegime,dhe te mbaje pergjegjesi ligjore ashtu sic kane mbajtur te gjithe shtetet dhe ushtrite e tyre per veprimet apo aktet e ngjashme qe kane bere.Nuk ka rendesi ne cilen ane je ,perpara ligjit nderkombetar,jane te gjithe te barabarte.Mire do ishte qe politikanet shqipetare ta mbyllin gojen dhe ti lene faktet e drejtesine te japin fjalen e fundit dhe te mos I perdorin keto histori ,as per kredo politike,as per sulme,as per shfaqesime,as per mohime.

    Përgjigju
  • raul: 09/11/2020 17:29

    Kjo akuze e rende kunder Bashes per spiunim te uck se dhe shpifes ndaj Hashim Thacit eshte dhe fillimi i renjes pikiate te Bashes ne fundin e tij politik. I shkofsh prapa Nafije dybekut te leshelikes qe eshte duke mjekuar Tit Shkolleshumin

    Përgjigju
  • robi: 09/11/2020 17:26

    Me kete akuze per Bashen per hetim te uck se ai duhet te jape urgjent dorheqjen nga politika para se te thirret ne gjyqin e Hages per te deshmuar kunder Thacit.

    Përgjigju
  • Lleshi: 09/11/2020 15:20

    Me kete situate qef pow kalon Kosova jone se jemi nje gjuhe nje komb nuk duhet te dalin gjera te tilla sepse i bejme qefin serbit , shkjaut qe na e ka pire gjakun nje shekull, eshte nje turp qe KM jone i drejtojet nje kryeari te partise me keto fjale. Turp !! Cfare ew dini Kosoven eahte me ew perparuar se ne dhe se shume shpejt do te intergroje vendin atje ku duhet pa rrjepur gjalle popullin sic e rropen ju per gjithe keta vjet

    Përgjigju
    • <artur: 09/11/2020 16:55

      Kosaova eshte viktima. Eshte viktime e dhunes brutale te serbise por ne disa raste si koj, dhe è ndihmes te disa tradhetarve si S.B, e bija A.B, L.B etj. etj. zbardhja per perfshirjen e ketyre qe une personalisht i quaj tradhetare duhet te zbardhet sepse mund te jene dhe te infiltruar te serbise ose se paku te korruptuar. sqarimi i perfishrejs se tyre eshte e domosdoshme si per Kosoven ashtu sikurse dhe per Shqiperine.

  • Etjon: 09/11/2020 14:45

    kur keta te dy akuzohen me njeri tjetrin ,kane te dy te drejte

    Përgjigju
  • Ervin: 09/11/2020 13:41

    Te pakten ka punuar si nje njeri normal. Po Rama qe asnje pune ska kap me dore. Ca i mbushin xhepin. Ah, po ka punuar spiun ne France...

    Përgjigju
  • Sandri: 09/11/2020 13:19

    Kur Rama beri nje postim, mendova se eshte dicka normale ne lojen politike. Tani qe po shohim se eshte nje lloj fushate baltosje per fakte e ngjarje qe jane publike dhe kjo eshte e turpshme. Ne vend qe topat e propogandes te jene ne favor te heronjve te Kosoves, Rama nxit konfliktin ketu ne Shqiperi. Ne pame para disa kohesh sesi Rama veproi ndaj heroit Haradinajt. Eshte mjaft domethenes per patriotizmin patetik qe deshmon. Te pakten Basha ka punuar, pra ka qene ne nje marredhenie pune ne organizmat e Kombeve te Bashkuara. Rama te sqaroje qendrimet ne France e Gjermani, jo kurvat, por punen e ndyre te spiunit qe si duket nuk e paska lene pas dore edhe sot.

    Përgjigju
  • Luli: 09/11/2020 13:09

    Lulzim je prototipi i servilit qe qepet pas cdo karagjozi e krimineli vetem per perfitime personale te pamerituara.

    Përgjigju
  • MARRUI: 09/11/2020 13:06

    O lyl krimineli po kur e di që je kaq pis e kaq i ndyr si të gënjen mëndja se ti mund të bëhesh kryeministër o jashqitja e kombit Shqiptar. Po Shqiptarët nuk jan IDJOT që të jspin ty vot mor pis edepsëz burec.

    Përgjigju
  • Monka: 09/11/2020 13:00

    Uroj me gjithe shpirt ky Tit Vasili i farave terheqte kemben zvarre per keta lolot e PD-LSI,per Monen,per Lulin,Saliun e Ilir Skrapar-lliun qe mbeten me kovodin ne goje.

    Përgjigju
  • TAQI RAQI: 09/11/2020 12:57

    O KRIMINEL HAJDUT LYL SHAL NGJITMI JEPI PËRGJIGJE AKUUZAVE. PO TË ISHD TI I PA FAJSHĒM DO ÇIRTESHE SI KURVAT PO TIE DI SE ÇFAR KUSURESH MBAN MBI VETE O PROSTITUTA SHAL NGJIT LYL KRIMINEL HAJDUTI.

    Përgjigju
  • Shqiptari: 09/11/2020 12:34

    Pershendetje Ky mendjendrituri yne, ku ishte me pare, sipas tij eshte hetuar per shtepine e verdhe, etj, etj, por nuk e kam degjuar ndonjehere te prononcohet per kete ceshtje. Ah, PO, do i jepte ”çelsin“, e bashkise Tirane, kengetarit serb qe kendonte ne fushatat e Milosheviçit. Na doli ”Patriot“ tani. Jo se eshte me patriot ai tjetri. Dite te mbare Dhe shfaqeni komenti o gazeta

    Përgjigju
  • Turi: 09/11/2020 12:16

    Ik beni ndonje pune o karagjoza qe ngelet gjithe diten ne rrjetet sociale , dhe kerkojme te rregullohet vendi me keta palaco

    Përgjigju
  • Mondi: 09/11/2020 11:49

    Mos u perdridh si lavire o kelysh serbe jepi pergjigje popullit per ty dhe Argiten o tradhetar i ndyre

    Përgjigju
  • A...Zh: 09/11/2020 10:43

    Sa i ri dhe Basha mbane mbi kurriz shume bema antikombetare! Dhe kerkon te behet KM, tmerre!

    Përgjigju
  • Arberi: 09/11/2020 10:07

    Mos u fshih pas kovid o dobic i Saliut por ktheje pergjigje sa me pare popullit Shqiptare per bemat e tua kunder luftes clirimtare te U.C. K.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Këshilli Bashkiak i Himarës komandon kryetaren e Bashkisë, koalicioni Bashkë Fitojmë bashkon votat me PS

Këshilli Bashkiak i Himarës komandon kryetaren e Bashkisë, koalicioni Bashkë Fitojmë bashkon votat me PS