POP 5

Lajmet më të lexuara të 5 minutave të fundit

Arkiva

Bashkia e Tiranës, kallëzim penal ndaj dy drejtuesve të Policisë së Shtetit

- Për bllokimin e jashtëligjshëm të punimeve për ndërtimin e nyjes semaforike pranë “Harry Fultz - TIRANE, 15 Gusht/ATSH/.- Bashkia e Tiranës ka depozituar sot në Prokurorinë e rrethit Tiranë kallëzimin penal kundër shtetasve Ardian Çipa, me funksion drejtor i Policisë së Qarkut Tiranë dhe Gëzim Zhupaj, me funksion shef i komisariatit të Policisë nr. […]
Bashkia e Tiranes
- Për bllokimin e jashtëligjshëm të punimeve për ndërtimin e nyjes semaforike pranë "Harry Fultz -
TIRANE, 15 Gusht/ATSH/.- Bashkia e Tiranës ka depozituar sot në Prokurorinë e rrethit Tiranë kallëzimin penal kundër shtetasve Ardian Çipa, me funksion drejtor i Policisë së Qarkut Tiranë dhe Gëzim Zhupaj, me funksion shef i komisariatit të Policisë nr. 3.
"Personat e sipërpërmendur akuzohen për shpërdorim detyre, bazuar në nenin 248 të Kodit Penal, për veprime dhe përmbushje të urdhrave arbitrare, bazuar në nenin 250 të Kodit Penal si dhe mosmarrjen e masave për pushimin e efekteve të veprimeve të jashtëligjshme, bazuar në nenin 251 të Kodit Penal", thuhet në një deklaratë për shtyp të bashkisë së Tiranës.
Bashkia e Tiranës akuzon personat e sipërpërmendur se, me veprimet dhe mosveprimet e tyre janë direkt përgjegjës për veprën e heqjes së lirisë të 5 personave, punonjës të Bashkisë Tiranë dhe për bllokimin e jashtëligjshëm të punimeve për ndërtimin e nyjes semaforike, pranë shkollës "Harry Fultz".
"Nuk është hera e parë që institucione të cilat ligjërisht duhet të jenë të depolitizuara, keqpërdoren politikisht, në thyerje të rëndë të ligjit, për të bllokuar Bashkinë e Tiranës. Rasti flagrant i bllokimit të bulevardit të Tiranës tregon shumë për luftën politike të paprinciptë që kryeministri Rama i ka hapur Bashkisë dhe qytetarëve të Tiranës", vijon deklarata.
Ndërkohë, Bashkia e Tiranës siguron të gjithë qytetarët e saj, se do të vazhdojë të përmbushë të gjitha detyrimet dhe misionin e saj kundrejt tyre, në bazë të ligjit dhe interesit më të lartë publik./m.m/

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Polonia akuzon Rusinë se po planifikon akte terroriste kundër linjave ajrore në mbarë botën

15 Janar, 22:35