Bashkia e Tiranës rimerr zyrat e FRD-së pa asnjë incident, Sali Shehu këtë herë edhe pa Metën nuk bën rezistencë

Bashkia e Tiranës rimerr zyrat e FRD-së pa asnjë incident, Sali Shehu këtë herë edhe pa Metën nuk bën rezistencë

Lirimi i zyrave nga FRD-ja

TIRANË- Bashkia e Tiranës ka rimarrë dje zyrat e Frymës së Re Demokratike, të cilat ia kishte dhënë me qira, pa asnjë incident.

Kryebashkiaku Erion Veliaj la afat javën e parë të Qershorit për lirimin vullnetar të ambienteve dhe gjatë ditës së djeshme dhe në orët e para të mëngjesit të sotëm, zyrat e FRD u zbrazën pa asnjë rezistencë fizike nga Sali Shehu dhe Ilir Meta.

Sipas ligjit, vetëm partitë që kanë mbi 1% të votave apo të paktën 1 deputet ne Parlament, Bashkia mund t’u siguroje zyra per selite e tyre, ndërkohë që FRD nuk kishte as 1% të mbështetjes qytetare dhe as 1 deputet. Që prej vitit 2013, me anë të një VKM-je të miratuar nga vetë ish-kryeministri Sali Berisha, godina në të cilën Fryma e Re Demokratike ka pasur selinë e saj është në pronësi të Bashkisë së Tiranës. Ajo përdoret nga kjo e fundit për të ofruar një sërë shërbimesh ndaj qytetarëve. Në këtë godinë, ndodhen zyrat e Agjencisë së Mbrojtjes së Konsumatorit (AMK), disa sektorë të burimeve njerëzore, si dhe disa zyra të drejtorisë juridike.

Lirimi i zyrave solli një përplasje të ashpër mes Sali Shehu, presidentit Ilir Meta kundër efektivëve të policisë, të cilët ishin aty për të zbatuar urdhrin e Bashkisë Tiranë për lirimin e  zyrave që janë në pronësi të saj.  I zhveshur nga kostumi i presidentit, kreu i shteti mësyu me forcë në ambientet e kësaj selie duke larguar policët e duke u kërcënuar se do t'i çonte me duart e tij në burg, moment ky i sjellë me video nga Report Tv.

1616495221_1615551507meta.jpg

Presidenti Ilir Meta gjatë përplasjes në zyrat e FRD-së

Bashkia e Tiranës i kërkoi kryetarit të FRD, Sali Shehu, të lirojë katin e tretë të ish selisë së PD, e cila është në pronësi të bashkisë, pas përfundimit të kontratës 4 vjet më parë.  Megjithatë, edhe pse Sali Shehu pretendonte se duhet të ketë një zyrë falas, me ikjen e Bamir Topit, FRD nuk plotëson asnjë nga kushtet e mësipërme, pasi tashmë nuk ka as deputet dhe as Presidentin. Për pasojë, Bashkia nuk ka më asnjë detyrim t’ ofrojë zyra. 

Lirimi i zyrave nga FRD-ja

B.K./K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Lufta për vulën e PD, Bardhi: Gjykata e Apelit t’i japë fund menjëherë këtij absurdi

Lufta për vulën e PD, Bardhi: Gjykata e Apelit t’i japë fund menjëherë këtij absurdi