Bashkimi doganor me Kosovën, Sandër Lleshaj: Lehtësohet lëvizja e lirë, por nuk mbaron me kaq

Bashkimi doganor me Kosovën, Sandër Lleshaj: Lehtësohet lëvizja e lirë, por nuk mbaron me kaq

Sandër Lleshaj

Qeveria shqiptare miratoi dje marrëveshjen me Kosovën për dogana të përbashkëta (lexo këtu). Ministri i Brendshëm Sandër Lleshaj përmes një postimi në rrjetet sociale ditën e sotme, e cilëson si një hap shumë të rëndësishëm për lëvizjen e lirë mes dy vendeve, ndërsa premton hapa të tjerë shumë të rëndësishëm në vijim.  

“Ndryshime të rëndësishme në menaxhimin e kufirit me Kosovën. Kontrollet e dyfishta hiqen. Policitë e të dy vendeve do të kryejnë së bashku kontrollet sipas parimit një ndalesë një kontroll. Qeveria miratoi dje vendimin për këtë ndryshim të rëndësishëm, që lehtëson ndjeshëm lëvizjen e lirë ndërmjet Shqipërisë dhe Kosovës. Por lehtësimi i lëvizjes së lirë nuk mbaron me kaq. Së shpejti ndërmerren hapa shumë më të rëndësishëm, për të vendosur standarde plotësisht europiane në kufirin Shqipëri-Kosovë” shkruan Lleshaj.

Në datë 26 nëntor në mbledhjen e përbashkët të dy qeverive, Shqipëria dhe Kosova firmosën disa marrëveshje, mes tyre ajo për heqjen e barrierave ekzistuese ndërmjet dy vendeve. Kryeministrat Rama dhe Haradinaj si dhe anëtarët e kabinetit qeveritar të të dy vendeve firmosën 9 marrëveshje (lexo këtu).

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Shqiptari dhunon gruan dhe djalin e mitur në Itali

Shqiptari dhunon gruan dhe djalin e mitur në Itali