TIRANË- Bashkimi Evropian pritet që të ulë tarifat roaming për vendet e Ballkanit Perëndimor. Përgatitjet e Shqipërisë për këtë proces do të bëhen nga një grup pune i drejtuar nga Ministria e Infrastrukturës dhe Energjisë, Autoritetin e Komunikimeve Elektronike dhe Postare (AKEP), së bashku me operatorët celularë që operojnë në vendin tonë.
Ky lajm u bë me dije nga ministrja e Infrastrukturës, Belinda Balluku përmes një postimi në ‘Facebook’, e cila shkruan se ulja e tarifave ka impakt të drejtpërdrejtë tek qytetarët.
“Reduktimi i tarifave të roamingut midis BE dhe Ballkanit Perëndimor ishte në fokus të diskutimeve mes MIE, e cila udhëheq procesin, AKEP si institucion rregullator dhe operatorët celularë që operojnë në vendin tonë. Shumë i rëndësishëm angazhimi i operatorëve të telefonisë celulare për t’u bërë pjesë e realizimit me sukses të këtij procesi tejet të rëndësishëm. Ulja e këtyre tarifave do të ketë impakt të drejtpërdrejtë për qytetarët dhe është njëkohësisht hapi tjetër i radhës në Axhendën Dixhitale të Ballkanit Perëndimor pas zbatimit me sukses të Marrëveshjes Rajonale të Roamingut”, shkuan Balluku.
Kujtojmë që prej datës 1 korrik të këtij viti, tarifat roaming mes vendeve të Ballkanit Perëndimor janë hequr. Kjo do të thotë se qytetarët e Shqipërisë, Kosovës, Maqedonisë së Veriut, Malit të Zi, Serbisë dhe Bosnjë-Hercegovinës do të përdorin shërbimin roaming në rajon me të njëjtat tarifa si në vendin e tyre, pra pa qenë nevoja të paguajnë tarifa shtesë. Marrëveshja vlen vetëm për thirrjet dhe mesazhet dhe jo për internetin.
Heqja e tarifave ndodhi në bazë të një marrëveshjeje për roaming mes 6 vendeve ballkanike. Faza e parë e zbatimit të marrëveshjes filloi në vitin 2019, ku ka pasur një ulje të çmimeve deri në 80%, kurse faza e dytë ishte eliminimi i plotë i tarifave.
Lajme të tjera
-
Shqipëria pjesë e SEPA, lajmi fantastik jepet në eventin e Bankës Botërore! Por kush ishte prezent në këtë event?
22 Nëntor, 20:12 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Fatos Çoçoli: Sa fitojmë nga SEPA si qytetarë?
22 Nëntor, 15:19
-
Shqipëria në SEPA/ Ambasadori Gonzato takim me Sejkon: Moment historik, qytetarët dhe bizneset më afër tregut unik të BE
22 Nëntor, 11:21 -
Bregu: SEPA në Ballkan, një hap i madh drejt BE
22 Nëntor, 09:25 -
Shqipëria anëtare e SEPA-s, Sejko: Kostoja e pagesave ndërkufitare në euro, 5 herë më e ulët! Kursimi në ekonomi 20 mln euro në vitin e parë
21 Nëntor, 17:50 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
Von der Leyen i shpëton jetën pasagjerit në avion
21 Nëntor, 16:31 -
BE-ja i kërkon Serbisë ta sqarojë pasivizimin e adresave të shqiptarëve në Luginë
21 Nëntor, 16:02 -
Veliaj në Bruksel për 75-vjetorin e Kolegjit të Europës: Vitin tjetër dyfishohet numri i studentëve! Kampusi, histori suksesi për Tiranën
21 Nëntor, 15:21 -
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35 -
Nga Ylli Pata: Cilat janë pasojat politike të çështjeve penale ndaj Berishës dhe Metës?!
20 Nëntor, 20:53
