Ulen tarifat roaming, sa do të kushtojë tani një thirrje telefonike?

Nga data 1 korrik ka hyrë në funksion marrëveshja e roaming me vendet e Ballkanit Perëndimor. Me anë të kësaj marrëveshje të gjithë qytetarët dhe bizneset e Ballkanit Perëndimor do të flasin më lirë kur të udhëtojnë në vendet reciproke, ku përfshihen Shqipëria, Kosova, Bosnjë Hercegovinë, Maqedonia Veriore, Mali i Zi dhe Serbia. 

Rolin e drejtimit të këtij procesi e ka pasur Ministria Infrastrukturës dhe Energjisë, ku zv.Ministrja Dorina Cinari, është shprehur për Report Tv, se kjo marrëveshje do të reduktojë dhe thirrjet do të bëhen deri në 8 herë më të lira.

“Një telefonatë përgjatë kohes që udhëtojmë do të kushtojë rreth 8 herë më pak, nje megabite do të kushtojë rreth 15 herë më pak, pra do të shohim ulje të ndjeshme të tarifave roaming”-u shpreh Zv. Ministrja

Projekti zgjat dy vjet, ku faza e parë fillon më 1 korrik 2019 dhe përfundon më 1 korrik 2021, me "roaming free zone", ku nuk do  të kemi më tarifa roaming.

“Në 1 janar 2020 do të vijojë reduktimi i mëtejshëm, derisa në 1 korrik 2021 do të kemi një "roaming free zonë" ose "roam like at home",  fol si në shtëpi, domethënë regjim pa tarifa roaming në të gjitha vendet e Ballkanit perëndimor. Nga ky moment e më pas vendet e Ballkanit do të synojnë t'i bashkohen tarifave të BE-së për një Europe Roamig like free zone”-tha Cinari

Marreveshja u nënshkrua nga ministrat e Ballkanit Perëndimor më 4 prill në Beograd. Nga ana e Shqipërisë ka pasur protagonizëm dhe angazhim të theksuar politik përgjatë gjithë procesit dhe negocimeve. Kjo marrëveshje objektiv kryesor ka interes më të mira të qytetarëve dhe bizneseve ne Ballkanin Perëndimor.

B.K./r.k./Shqiptarja.com

TAG:
• roaming
• Dorina Cinari