Dy persona kanë rënë në prangat e policisë në fshatin Xhafzotaj dhe Shijak, pasi u kapën në lokalet e tyre duke vënë baste sportive në telefon.
Gjatë operacionit policor të koduar “Basti i fundit", ranë në pranga Gentjan Domi, 49 vjeç dhe Klejvis Dervishi, 23 vjeç të dy banues në Shijak.
“Specialistët për Hetimin e Krimeve të Komisariatit të Policisë Shijak, si rezultat i kontrolleve të kryera në kuadër të operacionit policor të koduar “Basti i fundit", me fokus parandalimin, evidentimin dhe goditjen e rasteve të organizimit të lojërave të ndryshme të fatit, në kundërshtim me ligjin, kanë konstatuar 2 raste të tjera në këtë fushë. Për këto raste janë vënë në pranga shtetasit G. D., 49 vjeç dhe K. D., 23 vjeç të dy banues në Shijak”, sipas policisë.
![]()
Policia sekuestroi dy celularët me faqe bastesh aktive që kishin dy autorët, të cilat do përdoren në cilësinë e provës materiale.
Sipas policisë, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)