POP 5

Lajmet më të lexuara të 5 minutave të fundit

Ekonomi

BB: Po diskutojmë hua
100-200 mln USD, kujdes borxhin

Rritja për vitin 2014 parashikohet të jetë 2.1% e PBB. Banka Botërore: “Kujdes borxhin publik dhe kredinë e keqe”.
BB: Po diskutojmë hua<br />100-200 mln USD, kujdes borxhin
TIRANE- Rritja ekonomike e  Shqipërisë pritet të ketë ritme të ngadalëta për vitin e ardhshëm. Banka Botërore ka publikuar dje Raportin e Zhvillimeve Ekonomike për Europën Juglindore.

Vendet, të cilat përfshihen në këtë raoprt janë Shqipëria, Kosova, Maqedoni, Bosnje e Herzegovina, Mali i Zi dhe Serbia (EJL6). Drejtoresha e BB-së për Shqipërinë, Ellen Goldstein, tha në një konferencë për mediat se rritja e ekonomisë shqiptare do të jetë e ngadaltë por e qendrueshme.

Sipas analizës të BB-së, rritja ekonomike parashikohet të jetë 1.3% e PPB-së për vitin 2013 dhe 2.1% e PBB-së për vitin 2014. BB-ja mund të ndihmojë qeverinë shqiptare me një hua nga 100-200 milionë USD.
 
Rritja
Në total rritja ekonomike e vendeve të EJL6, në total pritet të jetë 1.8% në vitin 2013. Kjo rritje e dobët, sipas raportit të BB-së, vjen si rrjedhojë e kërkesës në rënie, të pasigurisë për sa i përket eksportimeve dhe rreziqe të tjera të konsiderueshme të jashtme.  Për sa i përket ekonomive të Shqipërisë, Kosovës dhe Serbisë, ato janë rishikuar në ulje.
 
Biznesi
Klima e të bërit biznes në vendet e EJL6 është përmirësuar kohët e fundit. Por si pas raportit të BB-së reformat duhet të vazhdojnë për të hequr pengesat rregullatore ndaj të bërit biznes. Duke u nisur nga shifra e fundit të “Indikatorëve të të Bërit Biznes”, pati një përmirësim për sa i përket lehtësimit të marrëdhënieve të sipërmarrjes në vendet e EJL6. Megjithatë, duke iu referuar raportit të BB-së, vendi ynë mbeti i vetmi vend në rajon me një pozicion në përkeqësim, edhe pse ka pasur një progress të vogël gjatë kohëve të fundit.
 
Rekomandime
BB-ja rekomandon vendet e EJL6, që të mbajnë nivelet e deficiteve në një nivel të moderuar. Një nga problemet e vendeve të EJL6 janë edhe kreditë e këqija (NPL). Për sa u përket NPL-ve, BB-ja nënvizon faktin se nevojiten të ndërmerren reforma të vrullshme për reduktimin e tyre.

Shkrimi u publikua sot (10.12.2013) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04