Pandemia e COVID-19 goditi rëndë thuajse vendet e të gjithë botës, por tregoi edhe një herë se shtetet ditën të jenë solidare dhe mike të njëra-tjetrës.
Për luftimin e pasojave të pandemisë së koronavirusit, BE akordoi për Shqipërinë një vlerë totale 180 milionë euro, të cilat janë aprovuar nga qeveria shqiptare.
Përmes një postimi ambasadori i BE-së, Luigi Soreca thotë se këto fonde do të përdoren për forcimin e financave publike duke rritur mbrojtjen sociale dhe luftuar korrupsionin.
![](https://shqiptarja.com/template/img/NO_ALFA_Kuadrate shqiptarja.png)
"Qeveria shqiptare ka aprovuar ndihmën financiare prej 180 milionë Euro të siguruara nga BE si pjesë e mbështetjes në luftën kundër COVID-19. Këto fonde do të kontribuojnë në forcimin e financave publike duke rritur mbrojtjen sociale dhe luftuar korrupsionin", shkruan Soreca
Postim i Luigi Soreca
Këshilli i Ministrave miratoi në mbledhjen e radhës Marrëveshjen ndërmjet Republikës së Shqipërisë dhe Bashkimit Evropian për Ndihmën Makro-Financiare për Shqipërinë në shumën prej 180 milionë euro. Nga fondi i alokuar, Shqipëria do të përfitojë asistencën makro-financiare prej 180 milionë Euro në formën e një huaje të butë, me normë indikative të interesit rreth 0.5% me kushtet aktuale të tregjeve financiare.
Qëllimi i kësaj asistence është lehtësimi i kufizimeve të financimit të jashtëm të vendit, lehtësimi i bilancit të pagesave dhe nevojat buxhetore, të forcojë pozicionin e rezervës valutore dhe të ndihmojë vendin të adresojë sfidat aktuale të jashtme dhe financiare.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)