Marrëveshja politike për reformën e Paktit të Emigracionit dhe Azilit është arritur mes Këshillit të BE-së, Komisionit Evropian dhe Parlamentit Evropian mëngjesin e së mërkurës (20 Dhjetor).
Tre institucionet e Bashkimit Evropian arritën në një dakordësi pas bisedimeve maratonë që nisën ditën e hënë (19 Dhjetor).
Marrëveshja përfundon reformën e politikës së migracionit të bllokut, e njohur si Pakti i Migracionit dhe Azilit, pas 3 vitesh. Bisedimet nisën pasditen e së hënës dhe vazhduan dje gjatë ditës derisa pak më parë ku u u arrit një kompromis, pasi pati disa pika tensioni mes përfaqësuesve të PE-së dhe vendeve anëtare, raportojnë mediat e huaja.
Presidentja e PE-së, Roberta Metsola tha se 20 Dhjetori do të hyjë në histori si dita kur unioni arriti një marrëveshje historike për një grup të ri rregullash për menaxhimin e migracionit dhe azilit. Presidentja e KE-së, Ursula von der Leyen tha se pakti garanton një përgjigje efektive evropiane ndaj kësaj sfide evropiane.
"Ky Pakt mbi Migracionin dhe Azilin do të garantojë një përgjigje efektive evropiane ndaj kësaj sfide evropiane. Kjo do të thotë se evropianët do të vendosin se kush do të vijë në BE dhe kush mund të qëndrojë atje, jo trafikantët. Kjo do të thotë të mbrojë ata që kanë nevojë. Ky pakt do të sigurojë gjithashtu që shtetet anëtare të ndajnë përpjekjet në një mënyrë të përgjegjshme, duke treguar solidaritet me ata që mbrojnë kufijtë tanë të jashtëm duke parandaluar migrimin e paligjshëm në BE. Dhe do t’i sigurojë BE-së dhe shteteve të saj anëtare mjetet për të reaguar shpejt në situata krize, kur shtetet anëtare përballen me një numër të madh të ardhjeve të paligjshme ose shfrytëzimi kur vendet armiqësore synojnë të destabilizojnë BE-në ose shtetet e saj anëtare", tha Von der Leyen.
Por çfarë përfshin marrëveshja?
Në parim, kjo marrëveshje mbulon pesë shtylla për të gjitha fazat e menaxhimit të azilit dhe imigracionit, duke filluar nga kontrolli i migrantëve të parregullt me mbërritjen e tyre në BE, mbledhja e të dhënave biometrike, procedurat për paraqitjen dhe përpunimin e kërkesave për azil, rregullat për përcaktimin e shtetit anëtar përgjegjës për trajtimin e një kërkese për azil dhe bashkëpunimin dhe solidaritetin ndërmjet shteteve anëtare dhe mënyrën e trajtimit të situatave të krizës, duke përfshirë rastet e shfrytëzimit të migrantëve.
Sipas marrëveshjes, do të ketë një rregullore kontrolli për të profilizuar me shpejtësi një azilkërkues duke mbledhur informacione të tilla si kombësia, mosha dhe shenjat e gishtërinjve, më pas duke përditësuar Eurodac, bazën e të dhënave të BE-së, me gjurmët e gishtërinjve dhe fotografitë dixhitale të secilit emigrant.
Lajme të tjera
-
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Shqipëria pjesë e SEPA, lajmi fantastik jepet në eventin e Bankës Botërore! Por kush ishte prezent në këtë event?
22 Nëntor, 20:12 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Fatos Çoçoli: Sa fitojmë nga SEPA si qytetarë?
22 Nëntor, 15:19
-
Shqipëria në SEPA/ Ambasadori Gonzato takim me Sejkon: Moment historik, qytetarët dhe bizneset më afër tregut unik të BE
22 Nëntor, 11:21 -
Bregu: SEPA në Ballkan, një hap i madh drejt BE
22 Nëntor, 09:25 -
Shqipëria anëtare e SEPA-s, Sejko: Kostoja e pagesave ndërkufitare në euro, 5 herë më e ulët! Kursimi në ekonomi 20 mln euro në vitin e parë
21 Nëntor, 17:50 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
Von der Leyen i shpëton jetën pasagjerit në avion
21 Nëntor, 16:31 -
BE-ja i kërkon Serbisë ta sqarojë pasivizimin e adresave të shqiptarëve në Luginë
21 Nëntor, 16:02 -
Veliaj në Bruksel për 75-vjetorin e Kolegjit të Europës: Vitin tjetër dyfishohet numri i studentëve! Kampusi, histori suksesi për Tiranën
21 Nëntor, 15:21 -
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35
