Djegia e kampit të Morias në Greqi ditë më parë, e cila la 13000 të pastrehë, solli edhe njëherë në qendër të vëmendjes gjendjen e emigrantëve në BE dhe nevojat për krijimin e një politike të përbashkët.
Komisioni Europian është mbledhur sot për të diskutuar marrëveshjen e re për emigrimin, pas ankesave nga shumë shtete për mungesë barazie nga vendet e BE-së në përgjigjen që u duhet dhënë emigrantëve.
Marrëveshja e re e paraqitur sot synon të shtojë kontributet e vendeve anëtare dhe të krijojë një plan të ri studimi për situatën në kufijtë mesdhetarë.
Në fjalën e saj Presidentja e Komisionit Europian, Ursula von der Leyen, tha se marrëveshja e vjetër e emigrimit nuk funksionon më dhe BE ka nevojë për një marrëveshje më të ekuilibruar, duke ruajtur njëkohësisht edhe vlerat e botës së globalizuar.
Sipas presidentes së Komisionit Europian, kjo situatë duhet të menaxhohet si një bashkim dhe barra duhet të mbahet nga të gjithë.
“Paketa reflekton ekuilibrat midis përgjegjësisë dhe solidaritet. Përfitimet i ndajmë bashkërisht, edhe barrat i ndajmë bashkërisht. Kjo paketë ka një qasje pragmatike dhe realiste. E dimë që duhet të krijojmë besim mes vendeve anëtare dhe qytetarëve të tyre, në mënyrë që ta menaxhojmë këtë si një union. Paketa përfaqëson kompleksitetin e çështjes dhe punon njëkohësisht mbi menaxhimin e kufijve, verifikimin e azilkërkuesve, integrimin e tyre, kthimet si dhe marrëdhëniet me palë të tjera jashtë bllokut’. tha von der Leyen.
Situata e Morias, kampit grek ku janë parë gra e fëmijë të flenë në kushte të vështira, i bën këto ndryshime edhe më të domosdoshme.
Ursula von der Leyen thotë se BE ka ngritur një task-forcë për të diskutuar një plan pilot me autoritetet greke për të përmirësuar situatën në Lesbos.
Eurokomisionerët nga ana tjetër kanë bërë thirrje që Bashkimi Europian të ndryshojë politikat hyrëse dhe kthyese në vendet e origjinës, pasi sipas tyre tanimë është bërë e vështirë përcaktimi i personit i cili me të vërterë ka nevojë për azil.
Në raportin e saj vjetor, Agjencia Evropiane e Kufirit dhe Rojes Bregdetare (Frontex) shprehet se në vitin 2019, 142,000 individë hynë ilegalisht në BE. Një sondazh midis azilkërkuesve në Gjermani zbuloi se rreth 40% e azilkërkuesve mbërritën me një vizë turistike dhe kërkuan azil sapo ajo skadonte.
Azilkërkuesit të cilët shënonin numrin më të lartë vinin nga Siria, Afganistani, Iraku, Shqipëria dhe Irani, megjithëse përe 2020 numri mendohet të jetë më i ulët për shkak të kufizimeve të vendosura prej Covid-19.
.
Komente
Lajme të tjera
-
Orban dorëzon ‘çelësat’, cili është bilanci i presidencës hungareze të BE?
28 Dhjetor, 09:49 -
Spanjë/ Futën në Evropë 2 mijë tonë veshje sportive të falsifikuara, EUROPOL çmonton organizatën kineze, 73 të arrestuar! Sekuestrohet 12,5 mln euro mall
27 Dhjetor, 21:16 -
SHBA-të vendosin sanksione ndaj ish-kryeministrit gjeorgjian, miliarderit Bidzina Ivanishvili! Akuzohet si pro-rus
27 Dhjetor, 20:13 -
Universitetet amerikane u bëjnë thirrje studentëve të huaj të kthehen përpara inaugurimit të Trump
27 Dhjetor, 08:51 -
Akt sabotazhi në Baltik? BE kërcënon Rusinë me sanksione
27 Dhjetor, 08:16 -
BE: Sanksione të reja ndaj flotës së fshehtë të Rusisë, pas sabotimit të dyshuar të kabullit nënujor
26 Dhjetor, 23:01 -
'Ne blejmë më shtrenjtë se qytetarët e BE', deputetja e PL-së: Shëndeti i shqiptarëve kërcënohet si nga prodhimi vendas dhe ai i importit
26 Dhjetor, 12:40 -
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03 -
25 vjet Putin, nga miku në armik
25 Dhjetor, 12:41 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Ministri i Jashtëm i Jordanisë do të zhvillojë bisedime me liderin e ri të Sirisë
23 Dhjetor, 11:52 -
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34
