BE: Italia, Austria, Sllovakia e Hungaria stop gazit rus që kalon nëpër Ukrainë brenda vitit

 

Italia së bashku me Sllovakinë, Austrinë dhe Hungarinë janë ndër vendet e BE-së që deri në fund të vitit do të duhet të gjejnë alternativa për gazin rus.

 "Aktualisht janë tre ose katër shtete anëtare që marrin gazin 'rus' duke përdorur tubacionet që kalojnë nëpër Ukrainë" konfirmoi zëdhënësi i Komisionit Evropian përgjegjës për çështjet e energjisë, Tim McPhie sot gjatë një konference për shtyp, duke iu përgjigjur një pyetjeje lidhur me marrëveshjen trepalëshe për tranzitin e gazit rus përmes rrugës ukrainase.

 Marrëveshja do të përfundojë në fund të këtij viti dhe Komisioni i BE-së e ka bërë të qartë se nuk ka ndërmend ta rinovojë atë.

Rruga e Ukrainës është aktualisht e vetmja rrugë tranziti për në Bashkimin Evropian: Sllovakia dhe Austria janë importuesit kryesorë të gazit rus përmes këtij kalimi, por gjithashtu Hungaria dhe Italia marrin gazin rus në mënyrë indirekte nga kjo rrugë. 

Pas kësaj, zëdhënësi sqaroi se ndërsa në vitin 2021 BE-ja merrte "45% të importeve të gazit nga Rusia, në vitin 2022 ra në 24%, ndërsa në 2023 ai tha se kanë marrë 15% të importeve tona të gazit" nga Moska.

Lajmi kryesor:

Rusia nis stërvitjen ushtarake për përdorimin e armëve bërthamore

Xh.K/Shqiptarja.com

TAG:
• Lufta Rusi-Ukraine
• arme berthamore
• gazi rus