Bashkimi Europian i ka dalë në ndihmë Shqipërisë dhe Greqisë për të menaxhuar situatën emergjente me zjarret që po kalojnë dy vendet. Qendra e Koordinimit dhe Reagimit Emergjent të Komisionit Evropian ka mobilizuar menjëherë burimet ajrore dhe tokësore të zjarrfikësve nga disa vende evropiane që janë pjesë e Mekanizmit të Mbrojtjes Civile.
Greqisë do t’i shkojnë në ndihmë 2 helikopterë nga Franca dhe Serbia që do të ndihmojnë për shuarjen e vatrave të zjarrit nga ajri. Ndërsa ekipet e zjarrfikësve që do të operojnë nga toka janë nga Çekia, Franca, Italia, Serbia dhe Rumania, vende që u ofruan të parat që të ndihmonin Greqinë të përballonte vatrat e shumta të zjarreve në afërsi të Athinës.
Ndërsa ndihma për Shqipërinë do të ofrohet përmes një avioni ushtarak shumëfunksional nga Rumania me kapacitet prej 6 tonësh ujë. Avioni pritet të japë ndihmën e parë të mërkurën e 14 gushtit.
Lajmin për ndihmat e ka dhënë vetë Komisioneri Evropian për Menaxhimin e Krizave në Komisionin Europian Janez Lenarčič përmes një postimi në “X” ku ndër të tjera shkruan se BE do të qëndrojë në krahë të Shqipërisë dhe Greqisë për të përballuar luftën me zjarret.
“Komisioni po monitoron nga afër situatën dhe është i gatshëm të dërgojë ndihmë të mëtejshme sipas nevojës” shkruhet në faqen zyrtare të Komisionit Europian.
Si pjesë e masave për të përballuar zjarret në këtë sezon veror Bashkimi Europian ka përmirësuar flotën në gatishmëri që përfshin 28 aeroplanë dhe 4 helikopterë të stacionuar në 10 shtete anëtare Mbi 540 zjarrfikës nga 12 vende janë vendosur në vende kyçe në të gjithë Evropën, të gatshëm për të ndihmuar brigadat lokale të zjarrfikësve kur është e nevojshme.
Lajme të tjera
-
Situata nga zjarret, Ministria e Mbrojtjes: 6 vatra zjarri ende aktive! Nga 28 të raportuara 22 janë shuar
30 Gusht, 12:51 -
Lezhë/ Situata e zjarreve ende problematike, 2 vatra aktive në Kurbin dhe Mirditë! Ndërhyrja e vështirë për shkak të terrenit
30 Gusht, 09:36 -
Situata nga zjarret! Ministria e Mbrojtjes: 10 vatra ende aktive, nga 29 të raportuara 19 janë shuar
29 Gusht, 10:27 -
Situata me zjarret, Ministria e Mbrojtjes: 7 vatra ende aktive! 23 të raportuara në 24 orë
28 Gusht, 11:16 -
Zjarret në vend, Ministria e Mbrojtjes: 5 vatra zjarri vijojnë të jenë aktive! Në 24 orë u shuan 43
27 Gusht, 11:03 -
Zjarret në Turqi, 21 të plagosur, mijëra të evakuuar
18 Gusht, 14:06 -
Zjarret në vend! Ministria e Mbrojtjes: 6 vatra aktive! Vijojnë flakët në Bjeshkët e Bollotekut dhe mbi fshatin Tërnovë
18 Gusht, 10:58 -
Zjarret në vend/ 10 vatra aktive! Vijojnë flakët në malin e Tomorrit, malin e Thatë në Prespë dhe në atë të Tërnovës
17 Gusht, 13:46 -
Turqia në flakë, zjarret përhapen në provincën perëndimore të Izmirit! Evakuohen banorët
17 Gusht, 11:48 -
Video/ Dita e pestë e zjarrit në majën e malit të Tomorit, avioni rumun hedh tonelata uji nga ajri në vatrën më aktive
16 Gusht, 12:27 -
Shkrumboi 10 ha me kullota dhe 320 rrënjë ulliri në Selenicë, arrestohet 63-vjeçari
13 Gusht, 13:34 -
Greqia në luftë me flakët! Atika prej tre ditësh nën makthin e zjarrit! Shënohet viktima e parë
13 Gusht, 07:25
