Delegacioni i Bashkimit Evropian në Shqipëri do të vëzhgojë nga afër zgjedhjet vendore të 21 qershorit me rreth 100 vëzhgues.

Ekipet e vëzhguesve të BE-së do të vizitojnë një numër njësish në të gjithë vendin, përfshirë zonat e Tiranës, Vorës, Shkodrës, Lezhës, Malësisë së Madhe, Vlorës dhe Himarës.

Ndërsa, ambasadorja në Tiranë, Romana Vlahutin do të zhvillojë vizita në Durrës dhe në Kavajë.

Një ditë më parë, Vlahutin u bëri apel qytetarëve që denoncojnë çdo formë presioni të mundshëm dhe të mos pranojnë që vota e tyre të manipulohet.

Redaksia Online
(f.s/shqiptarja.com)