Begaj bisedë telefonike me Osmanin: Të vazhdohet dialogu me Serbinë, e rëndësishme të ruhet paqja dhe integriteti territorial i Kosovës

Pas tensioneve në Kosovë, presidenti Bajram Begaj ka zhvilluar një bisedë telefonike me homologen Vjosa Osmani. Begaj shkruan se është e rëndësishme që të vazhdohet dialogu me Serbinë, duke pasur në vëmendje ruajtjen e paqes, si edhe integritetin territorial të Kosovës.

“Sot zhvillova një bisedë telefonike me homologen Vjosa Osmani, Presidente e Republikës së Kosovës. Gjatë bisedës u informova mbi situatën e tensionuar në Veri të Kosovës dhe kryesisht u ndalëm në dorëheqjen e përfaqësuesve të Listës Serbe në Kosovë nga institucionet shtetërore dhe bllokimin e funksionimit të tyre.

LEXO EDHE:
Refugjati i luftës nga Kosova: Ne e dinim Shqipërinë kopsht me lule, por vetëm në 1999 u njohëm realisht, kur hapët dyert për ne

I shpreha shqetësimin Presidentes Osmani dhe njëkohësisht inkurajova vazhdimin e dialogut mes palëve, duke patur në vëmendje ruajtjen e paqes dhe stabilitetit si dhe të integritetit territorial të Kosovës të garantuara nga NATO. Mbetet madhor interesi i integrimit euro-atlantik të Kosovës dhe i gjithë rajonit të Ballkanit Perëndimor”, shkruan Begaj.

Lajmi kryesor:

Largimi i Listës Serbe nga institucionet në Kosovë, reagon politika shqiptare! Xhaçka: Akt përshkallëzimi! Berisha: Vuçiç, rrezik serioz për rajonin! Meta: Tendencë e Putin për tensione

SI.E./Shqiptarja.com

TAG:
• sali berisha
• Ilir Meta
• kosove
• reciprociteti