Dosjet e SPAK ndaj eksponentëve politikë janë temë diskutimi në emisionin “Frontline” në Report Tv me Marsela Karapançon. Një prej rasteve ishte dënimi me dy vite burg Fredi Belerin, kryetarin e zgjedhur të Bashkisë së Himarës. Ish-kryeprokurorja, Elisabeta Imeraj deklaroi se është e rrezikshme të mendohet se të gjitha gjykatat kanë gabuar në këtë proces. Ajo shtoi se duhet të pritet arsyetimi i gjykatës.
“Të gjitha janë dosje që për shkak të përfshirjes së subjekteve përveç trajtimit juridik marrim dhe nuanca të tjera një e tillë është dhe çështja Beleri. Kjo çështje ka kaluar fazat hetimore, masa arrest me burg është kundërshtuar, kemi tre shkallë gjykimi. Beleri vazhdon të mbetet një person që nuk ka një vendim të formës së prerë. Përfshirja e tij politike e bën çështjen më të ndjeshme për tu diskutuar. Jo vetëm si jurist por si qytetar, gazetar, deputet në çdo këndvështrim do ishte e mirë ta besojmë se këto gjykata kanë qenë konform ligjit duke realizuar të drejtën e tyre.
Si jurist mendoj se gjykata në vendimmarrjen e saj do ti japë zgjidhje pretendimeve të avokatëve të Belerit. Nëse është bërë kërkesë për pavlefshmërinë e një procesi që lidhet me bashkëpunëtorin e drejtësisë, gjykata ka dhënë arsyetim pse është i vlefshëm. Është e rrezikshme të mendohet se të gjitha gjykatat me radhë kanë gabuar. Nga ana tjetër është e rëndësishme të themi se ajo që duhet është respektimi i standardeve. Ajo që duhet të pritet është arsyetimi i vendimit të gjykatës…”
Ish prokurorja në analizën e saj të rastit Beleri ka specifikuar edhe se çfarë mund të ishte bërë më mirë në këtë çështje duke u ndalur te fakti se dosja i kaloi SPAK nga prokuroria e Vlorës.
"Asnjëri nga ne nuk thotë se çështja Beleri është perfekte. Gabime bëhen kudo. Asnjë s’ka marrë dosjen nga fillimi deri në fund. Gjykata që ka vendosur dënimin e këtij individi e ka të detyrueshme ta arsyetojë çdo pretendim që mbrojtja ka ngritur. Le të shohim gjykimin e gjykatës. Për ta analizuar momentin fillestar e mira e punës do ishte që prokuroria e posaçëm që fillonte hetimin për çështjen në fjalë vetë që në fillim jo prokuroria e Vlorës, sepse kështu do ishin evituar këto diskutimet. Nëse bashkëpunëtori është i tillë apo jo, është respektuar ligji për marrjen e tij si bashkëpunëtor, dhe provat që janë mbledhur janë administruar në formatin e duhur ligjor. Nëse prokuroria do kishte kryer hetimet siç edhe e ka kompetencë në momentin fillestar atëherë nuk do ishim në këtë kuadrat të diskutimeve. Është e vërtet spak i ka kryer hetimet pasi ka marrë çështjen në dorëzim nga Vlora me kalim kompetence në një kohë jo shumë të gjatë. Janë disa elementë që në çdo subjekt politik që hetohet, dhe çdo herë ka patur një ilustrim."
Kur mund ta humbasë mandatin kryebashkiaku i zgjedhur i Himarës Fredi Beleri? Ish-prokurorja, Elisabeta Imeraj sqaroi procedurat në emisionin “Frontline” në Report Tv.
“Çështja do apelohet, çështja kalon në gjykatën e apelit në momentin që ka një vendim përfundimtar të formës së prerë fillojnë episodet e tjera që lidhen me zgjedhjet. Të mos ngatërrojmë procesin me betimin janë dy gjëra që nuk kanë lidhje me njëra tjetrën”, tha ajo mes të tjerash.
Nëse Apeli i GJKKO lë në fuqi dënimin me dy vite burg për Fredi Belerin, bashkia Himarë mund të shkojë drejt zgjedhjeve të reja. Por a ka menduar PS për një emër kandidati?
“Ne do presim vendimin e formës së prerë të gjykatës. Më pas po. Shpresoj që PD të ketë kandidat të vlefshëm. Nëse unë do them se e kemi gati kandidatin i bie paskemi në mendje dhe vendimin e gjykatës. Presim datën për t'u shpallur vendimi i gjykatës. PS nuk i fik asnjëherë motorët. Nuk pushin kontaktin me qytetarët. Ne jemi në kontakt me të gjitha organizatat”, u përgjigj në emisionin “Frontline” në Report Tv deputeti i PS Xhemal Qefalia.
“Kandidimi i Fredi Belerit për kryebashkiak të Himarës nuk është normal”. Kështu deklaroi në “Frontline” në Report TV deputeti socialist Xhemal Qefalia.
“Kur Rama kishte plan për ta arrestuar pse do ta demaskonte siç thoni ju... Është çështje sensitive, ka marrë vëmendje ndërkombëtare nisur nga pala greke. Trupa gjykuese dhe ajo që ka ngritur akuzën ka qenë shumë e rregullt. Të bëjmë analizë se pse paska indikacion nga politika për ta ndëshkuar nuk më duket normale, siç nuk më duket normale dhe kandidimi i tij”, tha ai mes të tjerash.
Deputeti demokrat Dash Sula në studion e "Frontline" në Report Tv e konsideroi rastin e kryebashkiakut të zgjedhur të Himarës Fredi Beleri një çështje me shumë dritëhije dhe pikëpyetje.
“Në rastin konkret do jem i baraslarguar sa i përket procesit penal hetimor sa i përket Belerit. Çështja është me shumë dritëhije dhe pikëpyetje. Mendoj se nuk është më proces i thjeshtë hetimor person X Beleri, por për një proces që ka marrë nota të jashtëzakonshme politike. Dhe organet e drejtësisë janë të përfshira, kanë ndikuar që ky proces të bëhet pis. Rama ka dalë me zë dhe figurë dhe është marrë me Belerin”, shtoi ai.
"Po të shkonte të betohej do qëndronte në burg dhe dhe ta kryente detyrën një person tjetër i zgjedhur", shtoi Sula.
Komente
Lajme të tjera
-
Ylli Pata: Shuplaka e europarlamentarëve ndaj Gazment Bardhit, kur BE flet shqip
30 Tetor, 21:16
-
Himarën e fitoi duke bërë fushatë me PD në gjuhën shqipe, por në takimin e eurodeputetëve Beleri vë kufje për të dëgjuar Ina Zhupën me përkthim! Ka harruar gjuhën?
30 Tetor, 18:36 -
Zbardhen Amendamentet që PS-ja i pranoi Fredi Belerit! Të parat u aprovuan, 3 të fundit u riformuluan me bashkëdakordësi, por PD refuzoi
30 Tetor, 15:48 -
Berisha mori në mbrojtje Belerin, mbështetësit komentues e 'masakrojnë' në FB: Turp, ai është antishqiptar, po gërryeni PD-në me mbrojtjen e tij!
30 Tetor, 15:05 -
Hodhi kos e vezë drejt Fredi Belerit, shoqërohet në polici qytetari
30 Tetor, 12:10 -
I hodhën kos e vezë/ Greqia merr në mbrojtje Fredi Belerin: Shqipëria të garantojë sigurinë për eurodeputetët! Shoqërohet në polici njeriu që e goditi
30 Tetor, 11:38 -
Artan Lame: S'bëhet shteti me Avni Rustem a me Vasil Laç
30 Tetor, 09:23
-
Mero Baze: Opozita duhet të gjej udhëheqës të tjerë, jo popull tjetër
30 Tetor, 07:22
-
Beleri pritet me vezë e kos, Dhuli: U takua me Ramën! Elezi: Ai që e qëlloi, intelektuali më i madh i Tiranës! Meçe: Provokim i shtetit grek
29 Tetor, 22:15 -
Takimi i 18-të i Komisionit Parlamentar BE-Shqipëri, debate PD-PS! Bardhi akuzon për lidhje me krimin, përfshihet dhe Beleri: M'u mor e drejta me makinacione
29 Tetor, 19:08 -
VIDEO/ Incident në kryesinë e Kuvendit, Fredi Beleri goditet me vezë e kos nga një qytetar
29 Tetor, 13:21 -
Fredi Beleri i 'padëshiruar' në Tiranë, qytetarët e presin me protesta! Goditet me vezë e kos! I kujtojnë ‘Masakrën e Peshkëpisë: Rrugaç! Rama nuk e takon
29 Tetor, 11:20
Si jurist mbetem i habitur nga deklarimi i nje juristi, per me teper ish magjistrat dhe prokuror, se "eshte i rrezikshem mendimi"!!! E pabesueshme. Por ne rendin aktual ne Shqiperi injoranca dhe mediokrriteti jane tashme vlerat qe perbejne bazen dhe kufijte e se "drejtes". Jo fjala, apo le e le veprimi por mendimi tashme eshte kategori e rrezikshme. Dhe po te mendosh jashte "vijes" se shtet-partise domosdo qe do klasifilohet ne rrezik. Kuptohet, ndaj "shtetit". Zoti rujte shqiptaret!
Përgjigju