POP 5

Lajmet më të lexuara të 5 minutave të fundit

Kronikë

'Peshkëpia'/ Do të pyeten 41 persona, mes tyre ushtarët e plagosur dhe oficeri që u mor peng

Fredi Beleri u mor dje në pyetje për masakrën e Peshkëpisë, ndërsa akuzohet nga Krimet e Rënda për “Veprime për qëllime terroriste” me pasojë vrasjen e dy ushtarakëve në 1994

'Peshkëpia'/ Do të pyeten 41 persona, mes tyre ushtarët e plagosur dhe oficeri që u mor peng

Dy “Dëshmorët e Atdheut”, komandanti i repartit Fatmir Shehu dhe ushtari Arsen Gjini

Fredi Beleri u mor dje në pyetje për masakrën e Peshkëpisë, ndërsa akuzohet nga Krimet e Rënda për “Veprime për qëllime terroriste” me pasojë vrasjen e dy ushtarakëve në 1994 (lexo këtu). Tashmë, kur në 10 prill 2019 u mbushën plot 25 vite nga “masakra e Peshkëpisë” dhe çështja mund të parashkruhet, duke mos pasur me mundësi për ta hetuar ngjarjen, prokurori i Krimeve të Rënda Eugen Beci, vendosi të rihapë çështjen penale, duke kërkuar kryerjen e dhjetëra veprimeve hetimore. Mësohet se në total janë 41 persona që pritet të merren në pyetje nga prokuroria dhe oficerët e antiterrorit. Mes këtyre personave janë dhe ushtarët e plagosur në postën kufitare dhe nën oficeri që u mor peng nga komandoja terroriste “Mavi”, Qemal Stroka.

Ky i fundit rezulton të jetë dhe dëshmitari kryesor në këtë ngjarje të rëndë, dhe nga dëshmia e tij pritet të merren të dhëna të vlefshme për hetimin. Në vazhdën e veprimeve hetimore me urdhër të prokurorisë mësohet të jenë sekuestruar dhe kopje të disa dokumentarëve televizivë të kryer nga mediat shqiptare gjatë viteve të fundit. Konkretisht janë sekuestruar në cilësinë e provës materiale dokumentarët e transmetuar në emisionin “XHUNGEL” në News24 me titull “Udhërrëfyesi i MAVI”, me dy pjesë, transmetuar në maj 2012 dhe “Njeriu i MAVI në Himarë” me dy pjesë, transmetuar në qershor 2015. Po ashtu është sekuestruar dhe dokumentari “Masakra e Peshkëpisë”, i transmetuar në emisionin “Gjurmë Shqiptare” në Top Channel.

Sektori i Analizës në Drejtorinë e Antiterrorit është ngarkuar të përpilojë profil subjekti me të gjitha të dhënat që ka për përfshirje të mundshme në aktivitete kriminale për personat e dyshuar në këtë ngjarje. Gjithashtu është kërkuar që nëpërmjet vendimit balistik krahasues krahasimi i gëzhojave të armëve të gjahut të fiksuara në procesverbalin e këqyrjes së datës 10.04.1994 me të dhënat e administruara në Policinë Shkencore. Hetimi i kësaj ngjarje, ku mbetën të vrarë, dy “Dëshmorët e Atdheut”, komandanti i repartit Fatmir Shehu dhe ushtari Arsen Gjini pritet që të sjellë të tjera zhvillime në vijim. 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Rizai: 23/05/2019 14:39

    Hajde Ferdi se te erdhi rradha,apo si bastard qe je do marrësh azil me vrap ne gerqi?Ne vonojme po nuk harrojme Ferdi,ska me si ne kohen e larqoftit Sali qe kullosje si dhe ku te doje.Thuaj grus te blej sapun te lengshem o Ferdi

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Aksidenti ajror në Kazakistan: Ngushëllime për Azerbajxhanin e Kazakistanin, uroj që paqja të mbizotërojë tek ta

Aksidenti ajror në Kazakistan: Ngushëllime për Azerbajxhanin e Kazakistanin, uroj që paqja të mbizotërojë tek ta

25 Dhjetor, 14:55