Bëni ç’të doni me Presidentin, vetëm mos na e shisni si të rëndësishëm

Bëni ç’të doni me Presidentin, vetëm mos na e shisni si të rëndësishëm

Bëni more ç’të doni me Presidentin e ardhshëm, vetëm mos na e shisni sikur kjo është një ngjarje politike, që ka vërtetë rëndësi.

Sepse edhe sikur ta zbrisni nga qielli, apo edhe sikur të kapni të parin, që iu del përpara në rrugë, nuk është se ndryshon shumë si rezultat praktik për Shqipërinë.

Madje edhe po ta lini pa president fare e njëjta gjë do të jetë, sepse siç u mësuam 3 vjet pa Gjykatë Kushtetuese, do bëjmë si do bëjmë edhe pa rrogëtarin më të paguar të shtetit, i cili punon në Presidencë.

Është gjithashtu e kotë të krahasosh ata që e kanë kryer detyrën e kreut të shtetit në këto 32 vjet, gjithmonë duke u përpjekur të gjesh më të keqin.

Sepse kjo nuk është thjesht çështje e cilësive dhe e dhuntive personale të ish krerëve të shtetit, pavarësisht se shumë prej tyre kanë qenë shumë kreativë për katandisjen e institucionit dhe raporteve të tij me të tërën.

Por është më shumë “meritë” e sistemit të kalbur kryetarokratik, ku asgjë tjetër nuk ka vlerë, përveç pushtetit të atij që bëhet kryeministër, me pjesën e luanit, dhe të atij tjetrit në opozitë, që pret radhën, duke u kënaqur ose jo me hisen e çakallit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tosi: 04/04/2022 07:36

    Kete e kuptove dasmen e pare apo te dyten. Presidentet e Shqiperise jane si puna e shefit te shtabit, nga zorrazhin ushtrie ne aksham gdhihen gjenerale ne saba. Edhe kjo puna presidentit. Apo tani qe nuk ka asnje kompetence me kushtetuten me te fundi te dashnoreve Rama dhe Basha. App ke qef ti shtojme ndonje emer te behet treshe. Meqe e paske gjet se ujku qenka Kryeministri ne detyre mire do qe ta kritikosh perdite dhe jo tu mbash uren se ca bejne cakejte.

    Përgjigju
  • Sondazhi i ditës:

    A i përballoni dot pushimet e verës me rritjen e çmimeve?



×

Lajmi i fundit

John

Dritan Hila: Meta s’ka inteligjencën për të qenë kreu i opozitës, Berisha po shkon drejt një moshë që e ka të pamundur! PS e vetmja forcë që elektorati e ndjek