'Benjamini' i klubit londinez në 'Premier League', dëmtohet duke veshur këpucët

Dy muaj më parë Claudio Ranieri, trajneri i mrekullisë ‘Licester’, vendosi të kthehej në “Premier League” për të marrë drejtimin e Fulham, klubit londinez që ishte në vendin e fundit. Në kaq kohë rezultatet nuk kanë qenë aspak ato që priteshin, pasi Fulham vijon të qëndrojë në një zonë shumë të rrezikshme.

Si të mos mjaftonte kjo ekipi ka humbur edhe një lojtar të rëndësoshëm për shkak dëmtimi. Bëhet fjalë për Alfie Mawson, futbollistin të blerë gjatë merkatos së verës për 22 mln euro. Sipas BBC ky futbollist është dëmtuar duke veshur këpucët e futbollit. Një fakt të tillë e pranoi edhe Ranieri para ndeshjes së rradhës.

"Ka qenë një dëmtim absurd. Thjesht ka ndërruar këpucët. Është një gjë e pabesueshme", ka thënë trajnerit. 

Problemi është se dëmtimi i Mawson po zgjat më shumë se ç’pritej. Ai u dëmtua në fundin e dhjetorit dhe ende nuk dihet se kur do të kthehet për t’u stërvitur. "Ka nevojë për më shumë kohë për të marrë veten. Sa? Nuk e di,"-përfundon Ranieri.

TAG:
• premier league
• fulham
• claudio ranieri
• Alfie Mawson