Beqaj-mjekëve: Respektoni orarin
kontratë me qytetarët, jo me mua

Ministri i Shëndetësisë, Ilir Beqaj edhe njëherë iu ka bërë thirrje mjekëve të jenë korrekt në orarin e punës. Në një konfrencë për mbulimin shëndetësor universal, Beqaj tha se mjekët kanë një kontratë me qytetarët dhe ata duhet ta respektojnë.  
 
“Është e domosdoshme që mjeku duhet të jetë 10 minuta para se të fillojë orari i punës për kontrollin bazë, sic në fakt duhet të jenë në vendin e punës për t'i shërbyer qytetarëve. Për fat të keq është e disata herë në aktivitetet publike ku unë jam prezene , të p aktën në mbledhjet me mua oraret nuk i respektojnë. Me mua mos i respektoni, por ju kërkoj me insistim ta respektoni me qytetarët sepse me ata e kemi kontratën”, tha Beqaj.
 
Numri një i shëndetësisë, tha se ka probleme, por angazhimi i qeverisë ku ai bën pjesë është i madh për të ndërtuar një sistem të rregullt. Në fjalën e tij, ministri Beqaj e ka vënë theksin edhe tek objektivat e caktuara nga Banka Botërore që kujdesi shëndetësor të arrijë një nivel universal.